حكاية اغنية - حلو العيون - للفنان محمد ميرغني -

انشاء الله كل مرة نشوف مع بض حكاية اغنية في هذا المنتدى والان اترككم مع حكاية اغنية (كلمني يا حلو العيون)

غناء محمد ميرغني
والشاعر التجاني حاج موسي

مناسبة الاغنية

قصة حقيقة حصلت لي واحد قريب الشاعر التجاني حاج موسي وكان متزوج ورزق بي بت صغيرة وحصلت مشكلة مع زوجتة وطلقة وسافر للقاهرة بسبب المشكلة دي . وكان في الغربة اكتر حاجة بحن ليها بنتة الصغيرة . وهو في القاهرة جاء خبر انة البت عيانة شديد ولازم يجي ويشوفة . اها نزل السودان ومن المطار للبيت طوالي ولمن جاء قريب للبيت شاف الناس كتااار قدام البيت وفي بكاء وعويل قام يهذي : بسم الله في شنو .في شنو يا ناس
لمن وصل باب البيت جاءت جنازة بنتة طالعة وبقي يبكي وهو ماسك الجنازة

يفرق كتير تمر بي من غير سلام --- يفرق كتير طعم الحلو لما يبقي مر ---

كلمني حاول حسي عاتبني وخت اللوم علي --
كلمني والكائن يكون
كلمني يا حلو العيون

كلها معاني حزينة لمناسبة حزينة لكن الناس تسمع الاغنية تقوم تجبجب ساااي



طبعا الشاعر اده الأغنية للفنان محمد ميرغني , ولكن محمد ميرغني احتفظ بيها وفي البداية ما غناها, بعد فترة اتوفي ولد الفنان محمد ميرغني , وبعدها جات مناسبة لابراهيم خوجلي وطلب من محمد ميرغني ان يحيي الحفل لكن محمد ميرغني رفض لظروف وفاة ابنة ، واصر ابراهيم خوجلي ان ياتي محمد ميرغني وتحت الحاحه اتي واحي الحفل وكان اول مرة يغني الأغنية دي ويتزكر بعض الحضور ان محمد ميرغني بكي عندما كان يردد ,,كلمني والكائن يكون,, يفرق كتير طعم الحلو لو يبقي مر,,