قعدة سمك

جمعتنا عشوة سمك بمتحف الملك عبد العزيز انا والاخوان خالد عثمان وعمر ومعاوية وعاطف وعماد وبعد العشا قاعدين نتونس لاحظنا الاخ عمر لم يشاركنا طيلة الونسة واكتشفنا بعد كدة انو في شوكة واقفة ليهو في حلقو ودينهو الدكتور قال مامكن الشوكة تطلع الا بعد استخراج لسانو اولا وبعد كدة تطلع الشوكة وبعد كدة يرجع اللسان محلو على العموم حاليا لن يدخل المنتدى لمدة اسبوع حتى نتاكد من ثبات السان جيدا .

عادل ميرغني كتب:جمعتنا عشوة سمك بمتحف الملك عبد العزيز انا والاخوان خالد عثمان وعمر ومعاوية وعاطف وعماد وبعد العشا قاعدين نتونس لاحظنا الاخ عمر لم يشاركنا طيلة الونسة واكتشفنا بعد كدة انو في شوكة واقفة ليهو في حلقو ودينهو الدكتور قال مامكن الشوكة تطلع الا بعد استخراج لسانو اولا وبعد كدة تطلع الشوكة وبعد كدة يرجع اللسان محلو على العموم حاليا لن يدخل المنتدى لمدة اسبوع حتى نتاكد من ثبات السان جيدا .

ما ينفعك السمك يا عادل اذا بتاكل سمك من وراي

كل الود

والله الموضوع يااخ الفاتح ويامجمد خليل ماشوكـــــــــــــــــــــة

ولكن طلعت خفايا عادل للقاعدين لحد ماخفت يعمل لي كمين في اخر الشارع

حبيبنا عادل والله احلى اجتماعات تجمعنا ... لي معاه صولات وجولات على مر

20 سنة وللاخ معاوية الحب والود وللاخ عاطف نرجو ان ينضم الينا قريبا مع توفر الادوات الازمة ( مفكات وزردية على حدقول عادل )
والاخ عماد حبيب الكل والضيف خالد عثمان ... وابهجنا بالطبع الكبير في قدره محمد سليمان

ارجو ان يجمع الله كل الي في المندى في الجنة امين ..

اخيرا احلى كلمه كلمة الفاتح سابل ,,,, مودتــــــــــــــــــــي

الاخ عمر من كثرة ماتنق في الكونكت طعنتك الشوكه على العموم نصيحتي انسى موضوع الكونكت خالص واعتبرو وقع منك ,,,,

الاخ محمدخليل عمرة مباركة القعدة كانت ناقصة بدونك المرة الجاية تكتمل انشاء الله

الصوره جميله ياعادل تذكرك ايام زمان ,,

عادل ميرغني كتب:الاخ محمدخليل عمرة مباركة القعدة كانت ناقصة بدونك المرة الجاية تكتمل انشاء الله

عادل شكرا كعادتك

فأنت كالنخيل عن الاحقاد مترفعا *** يرمى بحجر فيرمي أطيب الثمر

بس رجاءا قول لينا الصورة الفي توقعيك بتاعت ياتو ممثل

كل الود

حبيبي محمد خليل صباح الخير اشكرك على بيت الشعر الجميل وعلى ذوقك الرفيع وهذا ماتعودناه منك دائما .
. اما الصورة فإني اقسم بااللة انها صورتي بعدين خالك لايقل وجاهة عن الممثلين بس الزمن لعب فيهو

تحياتي لك اخ صلاح الدين . والله يشرفني ويسعدني نسافر سوا لجبل اولياء وانا على علم ان السمك في السودان اطعم سمك , وربنا يديك طول العمر ونتلاقى هناك مع كل الاحباب ونطلع رحلة نسميها رحلة العمر لان الفكرة دة موجودة واتفقنا مع صلاح خيري تكون رحلة بالسيارات للشمالية وممكن نجوب السودان المهم الله يحقق الاماني ....

لكــــــــــــــــن : بكلامك ده ياغالي ثبت ان في شوكه وموضوع عادل كانه صحيح !!!!!

الموضوع انا شرشحت عادل وغسلته شديــــــــد , قام الف موضوع الشوكة والحقيقة ياكدها
عاطف اسماعيل ....

ولك تحياتي اشواقي

سلام وشكر شديد لاخونا واستاذنا الكبير صلاح فقير (أبوشنب)
اما الحصل لعمر مابعدم الخبرة بعيد عنك عشان نظرو ضعيف وشلاقتو وعشان كان بيقطع فيني
وبعدين سمك السودان شنو هو بقى فيهو سنون.......... ياالله حسن الخاتمة.

تحياتي للاخ صلاح فقير ,,, ادينا السمك ونعمل سمك فاليه خاص لعمر كدا ماعندو عذر

خالد وعادل انتو خليتو فيها سمك !!!!

خفو شويه ...