واحد داقس

--------------------
الموضوع: نصيحة من داقس

النصيحة دي جاتني وقلتا انصحكم بيها

ياااااااااااااااا معشـــــــــر الشباب

كالعادة وخلافا لكل دول العالم التى تتم فيها مراسم الزواج فى يوم او اثنين وبأقل التكاليف الممكنة نجد ان الزواج السودانى هو عبارة عن مسلسل مكسيكى يستمر لايام وايام يجتمع فيها الاهل والاحباب والجيران وجيران الجيران والاقارب من الدرجة الخمسمائة بعد الالف وينفق فيه اموال طائلة تكفى لبناء مستشفى حديث او فندق 5نجوم او رواتب المعلمين فى احدى المحافظات


تبدأ الحكاية بعد ان تحس بالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تماما بمسألة القفص ولكن لدى تحفظات كثيرة على حكاية ذهبى دى_المهم تحس بالخطر وتأخذك غضبة حمقاء وتناجى نفسك وانت فى حفلة زواج احد الاصدقاء (والله الواحد بعد دا يشوف ليه مرا. معقول هناى الاهبل دا يعرس وانا لسه قاعد براى زى تور الساقية) عندها يستعرض خيالك قائمة طويلة من معارفك البنات ابتداء من ناس نونة زميلتك فى الروضة مرورا بصديقات مرحلة المراهقة الكتار وحتى زميلات الجامعة والشغل وبنات الحلة وبنات الاعمام والاخوال وباقى الاهل ثم وبسرعة تنسى كل اولئك النساء فى حياتك عندما تسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اول نظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهمية فى موبايلها وهى ترمقك من طرف خفى كما يفعل الصياد المحترف


المهم تتعارفوا بواحدة من الطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزل معاك كدا ساى, الناس تقول علينا شنو؟ سمعتى حتبوظ) ثم تمسح دمعة وهمية من عينيها فتأخذك الحماسة وتقول (والله ياسوسو_ودا اسم دلع يقبل آلاف الاسماءمنعا للمشاكل_انا ناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنية ثعلبية وبنعومة الافاعى (انا مادايرة منك شى, انت بس تعال اخطب والعرس يتأجل لحد ماالظروف تتحسن) فتصدق الكلام من عوارتك وتحدد يوم الخطبة وتأخذ ثلة من اهلك وقليل من جيرانك واصدقاءك وتقصد بيت الملاك المختار وتفاجأ انت واهلك بحشد كبير فى بيت العروس وخيمة كبيره امام البيت وصوت المايكرفون يردد (تست تست واحد اتنين تلاتة تست تست) تأخذك الدهشة قبل ان يأخذك ابو العروس جانبا, يعدل عمته التوتل ثم يقول (والله ياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالى والعرس بالراحة) ثم بأبتسامة محذرة (ولا رايك شنو؟) وقبل ان تدلى برأيك غير المعتد به اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادر من مشروع خطيب الى زوج-مع وقف التنفيذ-بسرعة البرق ثم يغمرك المعازيم (مبروك ياعريس مبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحك معها رغبة فى لكمها فى فمها لتخرس الى الابد .. فرغم انها صارت شرعا حرمك المصون الا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثور على الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلام فارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنا نفرح بيك؟ انحنا اقل من الناس البسوو الاعراس؟ والله لو ماعملت عرس ماعافيين منك؟ عليك الله عاين دا, داير الجارات ياكلن وشنا؟) فترضخ للأمر الواقع وتبيع قطعة ارض ورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعض الصناديق ثم تستلف من 10-15صديق كدا واخيرا واخيرا جدا تجد نفسك حالق جديد ولابس بدلة سودا-لون الحداد!!!- متأبط شرا هو عروسك المصونة والتى جاءتك فى هيئة فيل صغير بعد ان نجحت وصفات التسمين التى قامت بها العمات والخالات وبعض الصديقات الخبيرات, تأتيك متدحرجة فى فستان ابيض-لون الفرح!!! -فتجلسا تحت بقعة ضوء مزخرفة عليها كرسيان تعرف بالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدح بسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمس الاغنية فيك اوتارا حساسة وتكاد تطفر الدموع من عيونك, وتجول عيناك على الحضور السعيد وتتوقف عيونك على آخر العزاب من اصدقاءك وهو يرنو اليك بحسد تارة وتجول عيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرس وانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلك يهمس بمكر وحقد (وانا مالى, هو أنا فى زول حذرنى؟)؟
عشان كدا لمن تمشي مناسبة حتلقى الجكس بعاين ليك وبيبتسم ليك أعمل حسابك لأنو بضحك عليك ودنقر راسك طوالي وأعمل فيها أهبل ولو حاولت تتكلم معاك وتشاغلك أبكي عشان تقول عندو نفسيات ولو أصرت وعملت فيها مصلحة ودكتورة أصرخ وأقطع فيها كف وقوم جاري أخير ليك يقولوا مجنون من يحننوك بالجد

نصيحة من داقس

لا اله الا الله يابوخلود كل دا شايلوا في قلبك يازول معليش ادي حال الدنيا ,,,,
واحد محشش قالوا ليه اوصف لينا العرس قال العرس زي ماتكون ماشي بعربيتك في امان الله على الطريق فجاة تخشليك في شجرة هو دا العرس ,, ايه رايكم بدون خوف ..

احسن حاجة في العرس ياخالدان :


موضوع او هم كان شاغلك (شاغل الناس ) وخلصت منة

عزيزي خالد

الظاهر إنت ثقافتك إتغيرت بعد ما مشيت أمريكا من زمان الكلام دة ما كان موجود . أعمل حسابك المدام ما تسمعك !!!وبعد العمر دة كلو يقولو جنتر وبقة ما مآخذ

فعلاً يا أبو الخلد النصحك دة داااقس وأكيد هو ما متزوج ههههههههه

مع خالص التحيات ،،

والله ياحمادة كل اتغيير فيك الا ختم الجودة اللون ,,,,

ياخالد موضوع مرح زيك كدة
لكن والله العرس زيو مافي وداقس العندو طريقة ليهو وما عرس لحدي حسى



الشيخ دة منو؟

الاخ خالد
شكرا على الموضوع الجميل بس زولك الداقس دا رمى كل اللوم على البنات وكأن الشباب هم المغصوبين طيب الجابرهم شنو ؟؟؟

اي اكلة او وجبة ماتكمل الا بوجود ليمون

ياعمر قصدك الشباب ليمون والبنات الحلى طبعا

:evil

: لا عمر يقصد الليمون البنات ونحن مجبورين عليه في الوجبة وانا عارف عمر جيدا بس
خواف شوية

طيب الجابركم شنو ماكان حياة العزوبية احسن ماتحمدو ربكم الواحد كان عايش حياة تعمها الفوضي قبل الزواج وبعدة اصبح مرتب وحوله براعم حلوين حولوا حياتو لجنة

انا بوضح كلام عمر فقط لكن دة ماراي انا ......................

ياعادل الخوف ظاهر وباين .

ماتخلينا نوصل الموضيع للاخر ,,

انا قلت ليمون بس انت قلت ( )

الراجل الداقس بتاع أبن عمتي ده اناقابلتو وسئلتو الكلام المسموع عنك ده صحيح قال وبحرقه شديده ايوا صحيح بعدين قال ليا اسمع الحكمه دي الله لايكسب ألي تزوج قبلي ولا بعدي قلتى ليهو ليه قال اللي تزوج قبلي عشان مانصحني واللي تزوج بعدي عشان مااتعظ مني تحياتي

والله ياعمر وعادل حيرتونا منو الخايف ومن مين؟
طبعا سؤال برئ جدا

مشكورين على المرور ياأبوعبيده وعاشقة الجنه وابن خالى ابو خيرى وابومجاهد
المسأله ماخوف لكن شر لابد منه... ودى سنه الحياه كما جاء فى الحديث عن رسول الله صلىالله عليه وسلم (تكاثروا فاننى مباهى بكم الامم يوم القيامه)انا ما متاكد من صحه هذا الحديث

ايه ياخ عمر وياخ عادل ليمون وبصل والله تمردتوا وين ايام الجوابات وووو.. الخ , نسيتوا ولا شنوا ياخوانا نسوانا ديل تاج راسنا و ....................................................................................................انقطع النت

مشكور أخى اب دربين على المرور والمداخله الجميله دي

لك تحياتى وأشواقى

الفاتح لك كل الشكر والود على المرور

منو القال ليك مادقسته بس انا شايفك ماشى فى الطريق!!!!!!!!

MY BROTHER KHALED KIF YA MAN I HOPE U R OK
WALAHI MUSHTAGEEN KMIAYAT
I REALLY LIKE UR TOPIC
BECUASE SOME PEOPLE SAY MARRIGE PEOPLE LEAVE LONGER THAN SINGLE PEOPLE AND I SAID ALSO INDOOR CATS
I REALLY WISH THAT U COME AGAINE TO TOKYO
WA ALDORAH DI I GOT A JAPANESE WIFE FOR YOU WHAT DID YOU SAY ABOUT THAT
3LI AL AGAL MAFI MAHAR WALA SHILAT DUKAN
KUL AL77ISBAH KHATIM BI 100 DOLLAR YA MAN
WA TASHARKAK AL7IAH 50/50
3LIK ALLAH FI A7SAN MIN KIDAH
UR BROTHER HESHAM

الاخ الفاتح سبق وقلت ليك انو الزواج عامل زي واحد ماشي بعربيتو في امان الله وفجاة يدكش ليه في شجرة ,, بالنسبه ليك انصحك في الشجرة الالمانيه لتحسين النسل واللبيب من الاشارة يفهم