لصغار المنتدى الماشافو قروش زمان

للاعضاء الصغار في المنتدى الماشافو قروش زمان

شكرا عادل كدة ورينا حاجات زمان , الماشفناها

ياريت تحكي لينا يوم مارفع الحج اسماعيل الازهري العلم .

كنت وين .

انت نسيت اليوم داك ولاشنو لمن انا كنت ضائع وسط الزحمة وانت جيت شلتني وسلمتني لابوي وقلت ليهو
خلو بالكم من الشافع ده مايروح منكم تانى لكن معليش الكبر بأثر على الذاكرة.

أكيييد الأخت رؤى قاصدة صورتك إنت يا عادل .. هههههههه

بي صراحة كدة اليشوف صورتك دي يعرفك من ناس زمان .. طبعاً الكلام دة حيعجب الأخ عمر

لكم مودتي ،، وياريت يا أخت رؤي تشتغلي صورة عادل دي شوية بالفوتوشوب خليها تواكب الزمن دة

روئ : الاخ ابو عبيدة :

طبعا عمنا عادل بتذكر خفيف ما تعصروه شديد لان الفترة طالت والعمر مايسمح والصحه الله يدي العافيه

بس انا قريت انه القروش ده في زمن رئيس اسمه نميري . لكن الفترة رفع العلم وعبود ونميري ممكن عادل يشرحها احسن مني لانه عاصر الفترة والمثل يقول ال شاف مازي السمع ( قرا)

واي استفسار ياروئ يازهرة قلبي . اسالي عمك عادل . ديل ناس ليهم قدرهم الله يديهم طولت العمر ديل ثروة قوميه . الناس الكبار ديل .... واسئليه عن السكة حديد زمان .

وعن عرسه من الاولى كيف كان . والفرق بين العرس الاول والاخير 30 سنة ماشوية .

الاخ عمر
انا كنتا بدخل البوست دا متفرجة فقط لكن الحكاية جابت ليها عرس اول وتاني كدا الكلام دخل الحوش وانتا عارف الموضوع دا لو وصل وزارة الداخلية بيحصل شنو ...................؟؟؟؟

الاخت عاشقة الجنة : .
طبعا نحن عارفين وزارة الداخلية عند عادل صعبة لكن الراجل الحمد لله يمتلك سيارة كبير ة ما مشكلة بقضي ليلة ليتين مامشكلة

بعدين عاوز اوضح حاجه سالوني عنها الكثير بالهاتف . لمن قلتة عادل يعتبر ثروة ! فالجميع بيسال كيف؟

ياجماعة عادل يمتلك اكثر من 12 سن دهب . واي دهب ؟ دهب الخمسينات الاصلي . عشان كدة يعتبر ثروة




طبعا ماخذ راحتي لحد مايشحن اخونا عادل البطاقة هههههههههه

والله ياعمر البطاقة مشحونه من زمان بس انا انا الكنت محتاج شحن عشان الرد يكون قوي وعملي
وانت عارف عملي دي كلمتك بيها من زمان لمن انا كنت في الرياض الخميس الفات بس اصبر شوية
حتكون المفاجاة مدوية وماحاديك من سنون الدهب العندي بوزعو لكل آل سائرة ماعدا انت ومحمد خيري وابوطيف اصبر علي شوية لمن اخلص عمر لا وزارة الداخلية ولا حتى رئس مجلس الوزراء (فتحي ) مابيهرشوني لكن انت هرشة من اصغر موظف في الوزارة وياطلحة برسل ليك صورة حديثة لي عشان
تعلقا في الصالة عندك وبدون فوتشوب كمان
(ياجماعة انا ذكرت رئس مجلس الوزراء الحكاية لو فيها لبع اقيفو معاي ماتخلوني براي) هههههههههههههههه

ابو خيري وابو طيف ماتخافو .من تهديدات عادل



بيني وبينكم انا خايف ينفذ التهديد الي على بالي

انتو بعيد ,,,,,

ياعمر أنت كده حتخرب بيت الراجل ده عشان ابومجاهد كان متزوج الاوله في السر والموضوع ده ماكان عارفو إلا الوالد الله يرحمه واثنين من كبار العئله الذين حضرو العقد وكلهم اتوفو وانا الوالد قبل وفاته اداني صوره لعادل يوم زواجه وقال لي احتفظ بيها ياولدي واستر على ابن عمتك ولاكين مادام انتى عارف الموضوع اكيد غيرك عارف عشان كده انا لازم اوضح للناس حقيقة هذا الرجل وهوى برىء منحكاية الزواج الأولى هو فعلا تزوج ولكن كان مطر وازواج كان (عرفي)او(مسيار) والله مامتأكد عشان هو كان بيقرى في الشماليه وكان طايش شويهوخافو عليه من الأنحراف فزوجوه من احدى الفتيات في ذاك الزمان وكانت تدعى ( حسب الرسول) وتم الزواج ولكن لم يدوم الزواج طويلا لفارق السن بين الاثنين طبا لصالح عادل واكمل دراسته في كنف والدته رحمها الله وانتقل بعد ذلك في عام1921م الى الأبيض ونهل العلم على يد شيخ يدعى شرحابيل ثم انتقل وهاجر الىبلاد نجد لكي ينهل العلم على يد الشيخ عبد العزيز بن باز والشيخ علي الطنطاوي رحمهم الله جميع ومازال هوى على قيد الحياة ويعيش الان في منطقة الخرج بعمر يناهز127 عاما نسأل الله أن يعطيه طول العمر والعافيه هذه هي حقيقة هذا الرجل المكافح وهو قد عاصر جميع الحكومات في السودان تحياتي للجميع

[b][center]
ياجماعه ماتشدو على الراجل وكفايه واحد مش كل ناس ابته عليه
وبعدين خلاص مرتو الأولانيه ماتت الله يرحمها واندفنت واندفن سرها معاه وعفى الله عن ماسلف في ناس بعرفهم من المهاجمين زوجاتهم الثانيه على قيد الحياه ومافي زول عارف سرهم غيري
وبعدين يأعادل غير الصوره دي يعني صوره نميري احدث واوضح من صورتك التي امامنا كدا يقولو نميري اتصور بعدك ماقبلك
اقطع الكلام واتصور صوره حديثه
ملحوظه لمعرفة المتزوجين اكثر من واحده ارجو الأتصال بي للسريه
\وبعدين شنو قصة الحجاره المرصوصه حول الصوره اكيد ليها حكايه

يا عبد الكريم ياولدي لية تكشف السر القالو ليك الوالد
(ترقبوا قريبا قصة الزواج الرابع لعبد الكريم خيري )


ياعبد الله ياابو حنين وريني ديل منو ال اتزوجوا بثانية وانت بس العارف قصتهم ! وان شاء الله يكونوا عمر وعبد الكريم من ضمنهم عشان اوريك فيهم يوم.
وبعدين صورتي ماجوة حجارة جوة زهور !!!!! حجارة شنو انا صرصار !!!!!!!

السلام عليكم ياجماعة عادل دة راجل طيب ما كلكم تهجموا عليو كدة هو راجل تزوج مرة واحدة فقط
وليس كبير في السن هو اصغر من كل الهاجموا في المنتدي .

اخ عادل والله المعلومات دي اول مرة اعرفها طيب انت كنت معاي ليه ماحكيته لي حاجه ماعيب ,,ماتقولي كذب اخ عبدالكريم جزاه الله خير جايب دلائل حقيقيه امثال الشيخ بن باز والطنطاوي رحمهم الله

[ مع الاحترام ياحليل فلوس زمان وياريت تورينا ياعدووولة فلوس زمن ولدوك انت ودفعتك حمادة لانو سمعنا قالو زمنكم قبل 53سنة القروش كانت غير
اعرض وكبر السن ماعيب

شنو يا عدولة كلو ده يطلع منك ...

كدي نتقابل في تفتيش الخرج ...

نقطع المسافة نص بيناتنا ...

ونشوف قصة الشمار ده ...

تعرف يا عادل وجاهتك الناس حسدتك عليها ...

والشهرة متاعب عشان كده قلت ليك حاول إختفي شوية ...

هههههههههههه

كسير تلج عديل كده يا قلب ...

[center]