من اصلح لحكم السودان ؟؟؟؟

نريد ان نعرف اراء الاخوة بالمرشحين الحاليين للرئاسة . فهذا موضوع يهم الجميع ؟

من تفضل ولماذا؟؟؟؟؟؟؟؟؟؟؟؟؟؟؟؟؟؟

أفضل أن اكون انا الريئس القادم ياعمر ايه رايك...؟؟؟؟؟!!!

خالد محمد فقير كتب:أفضل أن اكون انا الريئس القادم ياعمر ايه رايك...؟؟؟؟؟!!!

وأنا بضمن ليك صوتي وحأعمل ليك دعاية انتخابية كمان ...

كل الود

اكان كدا ياخالد على البلد السلام
ا

مشكور خالد ومحمد وعاشقة الجنة .

اذا خالد ياعاشقة الجنة بجيب السلام نعمة ده البنفتش فية

ويامجمد اذا خالد رشح نفه والله مش صوت عادي صوت عنج يستاهل !!


لكن ياجماعة انا من تتبع كلام المرشحين اشوف لو جاء غير عمر البشير

السودان تضيع لان كلامهم بيع وشراء بالبلد وخاصة ياسر عرمان البزايد بدماء السودانيين عشان يفوز

استعرضت اسماء كل المرشحين للرئاسة الاثنا عشر ووجدت أنهم إما علماني أو شيوعي أو تاجر دين . وهناك من هو خارج المنافسة أصلاً وترشحه مجرد ديكور ودعاية ليس إلا ... فيمكن استبعاد الكثير منهم منذ أول وهلة... فاطمة عبد المحمود, محمد ابراهيم نقد , كامل ادريس, جحا, وغيرهم والتنافس في آخر المطاف محصور بين البشير وياسر عرمان... وياسر عرمان معروف شيوعي ملحد وتاجر دماء. باع وطنه منذ زمن بعيد وعمل مصاصاً للدماء تحت إمرة جون قرنق .!!! فلم يبق غير البشير بالرغم من سوئه وإجرامه وما اقترفه في حق الشعب السوداني من قتل وتشريد وسرقة لاموال الشعب ...غير أ،ه افضل السيئين !! هذا مع الوضع في الاعتبار أن الانتخابات اصلاً تم تزويره وضمان نتيجته منذ السجل الانتخابي .

[b][center][font=Impact][/fon
السلام عليكم
طبعا الأصلح في وقتنا الحالي وبين كل المرشحين هو عمر البشير
ولا نبخس الناس السيد عمر عمل كثير للسودان اكثر من غيره
وليس هذا من الدعايه الأنتخابيه لعمر عفوا للسيد عمر ولكن مانراه بأعيننا عمل كثير للسودان من نهضه وسمعه للسودان بين الدول يكفي اننا خرجنا من ترتيب الدول الأكثر فقرا في العالم
ف عمر اولا واخيرا ولانرضى بغيره والله اعلم سير سير يابشير ونحن معاك ملحوظه ارجو من عبدالله خيري قرأه هذا الرد )t]

والله اخ ابو عاصم تحليلك شامل ومركز .


فعلا هو ده وضع الانتخابات اليوم ,,,,, فعلا بعض المرشحين رشح لان يقال مرشح للرئاسة 2010

لااكثر . وعمر البشير ياعبدالله عمل للسودان بس في اعمال سيئة كثير بس الحسنة طغت . وعشان كدة نقول احسن السيئين . مع رجاءنا ان يرسل الله للسودان من يخافه فينا ..


وللاسف السودانين ما يتوقعو افضل من كدة

للاسف كل المرشحين ليس فيهم احد يستاهل صوت الناخب السوداني بمافيهم البشير فهو لوحقا كما تدعون فعل بعض الحسنات فبالمقابل كانت سئياتة اضعافا مضاعفة وعرمان وماادراك ماعرمان يكفيني
راي ابو عاصم فية وهناك من جربناه ولم يصلح للحكم كان ابو كلام فقط واما البقية فانا متاكد
انهم لن يحكموا السودان ابدا ان كانت انتخابات نزيهة اوعكس ذلك . فانا من راي ان نقاطع الانتخابات لن النتيجة محسومة سلفا ولاداعي لانتخابات اصلا!!!!

لا ياعادل ماتكون متشائم ...

نقول الحق الايجابيات اكثر , 

اناأضم صوتي لصوت ابناء عمي عمر وعبدالله واقول انو البشير حسناته اكثر من سيئاته مع السودان وشعبه وحاليا لايصلح للسودان إلا البشير عشان لوكان نهب قد يكون شبع ولايجينا واحد جيعان ويبدئ ياكل من جديد وشوف متى يشبع يااخوان السدود والكباري والأتصالات والطرق والاناره والرغيف المتوفر ومكدونلز اللي فتح قبل يومين في السودان كل ده مانقله حصلت في عهد البشير ياجماعه ادو الزول حقه والله البشير ماقصر حتى لونهب وسرق لاكين عمل وبنا يكفيك الجنيه السوداني الأن يبيض الوجه امام كثير من العملات الاخرى واقربها المصري على سبيل المثال لا الحصر ويكفيك العماله المصريه والبنقلاديشيه والصينيه التي انهالت على السودان ياناس كنا وين وبقينا فين احمدوالله والقادم احلى مع البشير سير سير يابشير السد السد الرد الرد

الأخ/عبد الكريم نعم من حيث المعمار والبنيات الاساسية هناك تطور في البدل ولا ينكر ذلك الا جاحد ولكن في المقابل تعال وانظر الى ناحية الدين والاخلاق والحياة الاجتماعية... فقد تفسخ البلد اخلاقياً واصبحنا نرى كل مظاهر الفساد على الطرقات وظهرت عادات لم نكن نحلم بأن نراها في بلادنا مثل الزواج العرفي وزواج المسيار و كثر اطفال السفاح الملقون على الطرقات ... وكثرت حالات اغتصاب الاطفال و حالات القتل والاغتيالات . التبرج بكل عنفوانه على الطرقات بطريقة لم نكن نراها في العهد الشيوعي . وحالات الرشوة والفساد المالي والاداري والاعتداء على المال العام . وتصفية الخصوم وغيرها من الجرائم والتي تعتبر سمة ظاهرة لهذا النظام ومع ذلك نقول هو افضل السئيين نظرا لمنافسيه.

الأخ ابوعاصم تحياتي في الحقيقه انتم ادرى بالاحوال هناك ولكن اعتقد انو الناحية الدينيه افضل بكثير من ايم بيوت الدعارة والخمور والبانقو التي كانت حاجه عادية جدافي السودان ولكن والأمن افضل من أول الحرميه داخل البيوت في وضح النهار وايضا السياسه الخارجيه مع الدول المجاورة والعربية اصبحت ممتازة جدا وجعلت للسوداني قيمه في المجتمع والشارع والراي العام وايضانسبة المتحجبات اصبح كبير جدا عن اول والهتافات الدينيه دائما في اي محفل اجتماعي ورياضي وسياسي تجد التكبير والتهليل وذكر الله هوى عنوان الهتافات السودانية وايضا تطبيق معظم احكام الشريعة الأسلاميه في دوله تتعدد فيها الديانات والمذاهب هذا ليس بشئ السهل وفي النهايه انتم ادرى مني بالاحوال هناك لوجودكم في قلب الحدث ولكن نحن نسمع منوسائل الاعلام المختلفه السودانيه والأجنبيه ولكنها جميعها تبشر بغد مشرق للسودان وارجوكم وافونا بالحقيقه كامله عشات نحنا عندنا فكرة الرجوع والأستقرار في وطنا الحبيب واذا الحال مايطمن الله يعينا نقضي باقي العمر في بلاد الغربه حتى نفنى سيرا على خطى الوالد الله يرحمه ونوصي بها الأبناء من بعدنا

انا عاوز اتكلم من الناحية الدينية والله ياابو عاصم السودان بنعمة عند الله علمها قدر الله لي وزرت سوريا هل تصدق انت محارب في دينك . ياويلك لو تحث زول على الصلاة مثلا تعتبر ارهابي ومعاد للنظام . ولو وزعت لاصحابك حصن المسلم او كتيب الاذكار فتهمتك محاولة قلب النظام . واذا تحافظ على صلاة الفجر انت مراقب من اجهزه الدولة يعني باختصار انت مواطن صالح اذا كان الفساد والعربدة ديدنك .

والله السودان تستطيع تعظ وتجادل وتجاهر بالاصلاح والمعروف مافي زول ياذيك فالحمد للــــه . وده من حسنات النظام الحالي . فادور عندكم ياابو عاصم غيرو مااستطعتم والله الموفق . يااخي سعوديين من هنا اشادو بالحالة دي بالسودان . في فساد لكن منبوذ بعكس الفساد عند غيرنا محمود ...........

[b][center]
السلام عليكم
ياجماعه برضو الناحيه الدينيه اتحسنت كثير كنا زمان نعاني للوصول للمسجد من بعده والأن مساجد قريبه من بعض ونظيفه وجميله ومكيفه في كل حي عدد من المساجد ومليئه بالمصلين جميعها اما بالنسبه للتبرج والسفور للبنات فليس مسئوليه البشير دي مسئوليه رب الأسره في التربيه وقد حكم على الصحفيه بالجلد المتبرجه وقامت الدنيا على الحكومه السودانيه فبرضو الحكومه مامقصره في الردع بقدر الأمكان
فتفائلو ياناس السودان لسع بخير ومستقبل باهر بأذن الله فقط علينا الدعاء بأن يحفظ لنا بلادنا من كل سوء

عمر عثمان سعيد كتب:مشكور خالد ومحمد وعاشقة الجنة .

اذا خالد ياعاشقة الجنة بجيب السلام نعمة ده البنفتش فية

ويامجمد اذا خالد رشح نفه والله مش صوت عادي صوت عنج يستاهل !!


لكن ياجماعة انا من تتبع كلام المرشحين اشوف لو جاء غير عمر البشير

السودان تضيع لان كلامهم بيع وشراء بالبلد وخاصة ياسر عرمان البزايد بدماء السودانيين عشان يفوز

والله يا ( عمر ) بالغت في حق ( خالد)

صوتو لخالد ولا تصوتو لعمر

صوتو لاي واحد ولا تصوتو لعمر

أي واحد فيهم أحسن بمليون مرة من عمر

كل الود

الأ×وة الافاضل عبد الكريم . عبد الله وخالد نعم البلد في نعمة كبيرة مقارنة ببقية الدول العربية امثال سوريا ومصر وحتى السعودية من ناحية الحرية ولكن ليس لهذا النظام دور فيه فهذه طبيعة الشعب السوداني ولن يستطيع أى نطام تغييره . ونحن والحمد لله نعمل في مجال الدعوة الى الله ولقد رأينا بأعيننا معاداة هذا النظام للدعاة الى الله وحاربته لدعوة الله عز وجل وكلما يقال في الاعلام من شعارات وهتافات ليس الا متاجرة باسم الدين ... ولقد عشنا اوضاعا صعبة جدا مع هذا النظام بسبب الدعوة الى الله .. ولكن للحقيقة نقول بأنه كان في هذا النظام من يحب الدين ويسعى الى تطبيقه وإن كنا نختلف معه في وجهات النظر .. ولكنهم ابعدوا والكثير منهم تمت تصفيته ولم يبقى الآن في هذا النظام غير طلاب السلطة والمال ومعظمهم لا علاقة لهم بالدين . ويعملون بكل همة ونشاط لشغل الناس بالملاهي والفساد حتى ينشغلوا عن السياسة . أما ما ترونه من تحسن في الناحية الدينية فهو بمجهود المنظمات غير الحكومية العاملة في مجال الدعوة.
أما من الناحية الاجتماعية فإن الفقر الذي انتشر وسط المجتمع جعلت الكثير من الاسر تتفكك وتهوي في الرزيلة .. فما بالك بطالبات يأتين من اقاصي ولايات السودان ليدرسوا في الخرطوم دون حسيب ولا رقيب في دولة لا تتولى اعاشتهم ولا تسكينهم . فانتشروا في الطرقات يمارسن الرزيلة لجلب الرزق وسقطوا طحايا لكلاب المجتمع . فأنتشر السفاح والزواج العرفي وامتلأت الدور باللقطاء. وزيارة واحدة لدار المايقوما للاطفال عديمي الابوين تخبرك بحجم المأساة التي تعيشها بلادنا ...

أخي العزيز أبو عاصم انت بتقول الحكومه بتنهب ووووو والشعب غلبان وغير راضي والأنتخابات غير نزيهه ويكسب البشير غصبا عن الراضي و الزعلان وهو افضل السيئين والناس والناس والشعب والشعب وكل اللي بنشوفو ونسمعو عن طريق الأعلام مفبرك وغش وخداع ومغاير للواقع وده بحكم وجودك في قلب الحدث وداخل المعمعه ok طيب تفسرلي بشنو العشرات بل المئات بل الألوف بل الملاين من الشعب السوداني في كل خطاب للبشير بنشوفهم بعيوننا وهم يهتفو للبشير وبحراره سير سير ياالبشير بروح بدم نفديك يابشير معقول شعب مامبصوط من البشير ويوقف بهذا الكم الهائل ولساعات متعدده امام البشير ويهتف ويرفع الشعارات المواليه للبشير وصور البشير نساء ورجال واطفال وشباب وطلاب جنوب السودان وشرقها وغربها وشمالها في كل خطاب للبشير حضور متميز يفوق الحضور في مباراة كرة القدم في نهائي كاس العالم بين البرازيل وفرنسا أو الأرجنتين وأخرها خطاب البشير في أركويت في استاد الناشئين هتافات وشعارات وصور وحضور كبير جدا اصلا انا ازا ماعايز البشير ايه يجبرني اذهب وانلطع بالساعات واهتف لا ده كلام ابدا مامعقول ولا الناس ديل كلهم مستأجرين عشان يظهرو للاعلام بهذه الكميه والشعارات والله ياأبوعاصم الواضح انو 80 في الميه من الشعب السودان يحب البشير ويرغب في استمرار البشير عن قناعه تامه وانا أولهم

تحياتى ابوعاصم
بالله البشير ده ما بخجل !!
ولا الناس المعهو زول حكم البلد اكتر من عشرين سنه ونهبوه واتحكموا فى ضمائر وارزاق الناس !!
عنده نفس ينزل انتخابات وحتى لو فاز بقروش الشعب المسكين ده !!
اربعه سنين قايل بتحله !!
ياخى ديل بتارضوا الناس قدر حكمه ده ولا بكله ولا بمله وبوصلهم لى لاهاى !!
والقرار ده الا يمسحه الله بس ويشيل البشير لقبره !!
واسع الديمقراطيه والانتخابات بقت حلوه لم جت برجاله !!
وجوة عينه !!


________________________________________________
ياخى ده تركيا ما بقدر يمشى وعاوز يحكم السودان لسع !!

انا حانتخب عمر البشير لي سبب واحد بس انو اي واحد بيمسك البلد حياكل اموال الدوله لانو اقل شي ليه اتنين وعشرين سنه مافي واحد قادر علي البشير يعني ما عشان البشير كويس

انا حانتخب عمر البشير لي سبب واحد بس انو اي واحد بيمسك البلد حياكل اموال الدوله لانو اقل شي ليه اتنين وعشرين سنه مافي واحد قادر علي البشير يعني ما عشان البشير كويس

يااخواني في امريكا وحمله اوباما الانتخابيه كان الشعار هو التغيير وكذلك الان في مصر ,,احنا في السودان المشكله اننا متخوفين من التغيير ومعانا حق في ذلك يعني ياخ ابوعاصم ومع انوا كلامك في تشائم كبير مع بعض الاخوة لكن وامكن احنا برة البلد لكن الان الناس مسموح ليها تمشي تصلي في المسجد ومسموح ليها تدعوا الى شرع الله ومسموح ليها,,,, الخ ايه ضمنا اذا غيرنا بعد كدا الواحد اذا صلى في المسجد او ربى دقنوا اصبح ارهابي ,,ايه ضمنا بيوت الدعارة والمراقص والخمارات ترجع تاني فعلا ولينا حق في اننا نتخوف لان الى الان مافي مرشح غير البشير اسلامي اسلامي بالفعل ووصف المرشحين عندكم,, والى حين مانلاقي مرشح يكون شعاره الاسلام وبس نقول للبشير سير سير يالبشير

ماعندي صوتين يا الفاتح سابل لاكين جات عفون