بيناتنا خور

الاخوة والاهل الاحباب في منتدى ابتة الاسرى تحية طيبة واشكركم على الاضافة والترحيب فى بيتكم وبيتنا الكبير واعرفكم بي نفسى انا كمال وديدى ابن خالت عبداللة وعمر وخالد عثمان سعيد وخال حنين عبداللة وعم رؤي محمد على وزى ما قلت ليكم بيناتنا خور فانا من بيوض يعنى طنط الخور بس ويا خالد فقيرى معقول الواحد ينساك هو انت بتنسي وتحياتي لي الزول النشيط الفاتح سابل والزى كان قريبا معانا فى السودان وكل من رحب بى

تحياتي لزميل درب وعشرة عمر كمال فته ,,,وسلامي لك ولاسرتك الكريمه والى لقاء قريب انشاء الله

مشكور اخى وحبيبى كمال على الاطراء الجميله ودا المعهود فيك وربنا يجمعنا فى ساعات خير والمسافه طالت ماشفنا بعضنا لكن فى البال دائما فلك والاسره سلامى واشواقى

اهلا الاخ كمال
تحياتي لك ولافراد الاسرة وانت ليس بغريب عنا او عني انا شخصيا و الاخوان حمد ومصطفى لنا عشرة سنين طويلة وقدحنا واحد جيران في الزراعة والبيت واحد وانت اقرب من قريب واهل كمان
تحياتي لك وبينا الخور لانه الخور لما لقانا اتنين متحابين حلف الا يدخل معانا ويكون شريك في حياتنا و ادانا خيرو واديناه المحبة و لوجه الحسن - بيوض وابته اخوات والخور اخوهم
لك ودي وتحياتي
طلحة محمد حسن الشخ

اهلين كمال طمنا على محمد علي ......