طرائف خالد فقيرى

تحياتى لكل اعضاء المنتدى واحب اتكلم عن الزول الجميل والظريف خالد فقيرى وطبعا انا سمعت كثير من الطرائف الحصلت ليها بالذات فى السعودية منها غرفة الكلب والكثير وانا ماداير اقولها انا يارت هو يحكى لينا واذا ما حكى فى البحكى لينا ولا رايك شنو يا ابن خالتى خالد عثمان فتوا لينا

سلام ياكمال فته دا شنو مالك انتهيت كدا والله احسن تسحب صورتك دى الناس بيفتكروك من ناس المعاشات ياخى ابن خالتك دا انا ماشفتو من جيت السعوديه غير مره ولا مرتين وأنا ماعارف قصه غرفة الكلب دى شنو (دى ماأدونا ليها)وخليه يفت يافته مافى اى مشكله......نتابع

لك كل ودى وأشواقى

يا خالد ماتزوغ من الموضوع ساى وقصة غرفة الكلب كل السعودية والسودان عارفينها انت بس ادى ابن خالتى الامان وهو ما بيقصر

تحياتي للاحبه جميعا والى جميع اهل الشمارات ,, وبناء على طلب الجميع ,قصه خالد فقيري معني محلفني لكن بناء على رغبه الجميع سوف احكيها لكن مابالتفصيل عشان في حاجات خاصه ,, المهم في يوم من الايام كنا ماشين في احد احياء السودان لزيارة صديق وعندما دخلنا بيته واذا بكلب ضخم هاجمنا انا جريت خارج الحوش بكل شجاعه اما خالد فقيري وجد بيت الكلب افضل مكان لاختباء والاحتماء من عضه الكلب ودي كل القصه بدون بعض التفاصيل

طبعا دى ما القصة السمعتها بس انا ما حكها اكتر من كدة الظاهر فى تحالف تم بين خالد عثمان وخالد فقيرى والموضوع جاب ليهوا حليفة خلاص قفلنا الباب دا

اخي ونن عيني كمال انا ماعارف الموضوع من اساسه انت عارف اخر مرة قابلت خالد فقيري قبل اكثر من 10 سنوات انت عارف الراجل دا عايش في امريكا مابجي الا حبه في الرياض يوم او يومين ويرجع...المهم انت اخبارك ايه ورينا جديدك اخبار السودان كيف تشجعنا نرجع ولا لسه شويه,,,انا حقيقتا مقدم للجنسيه السعوديه وقربت تطلع نصحني اكمل ولا اوقف