قاطعوها فانها مزورة !!!!!!!!!

اخ الفاتح تعال اناقشك في مشهد الموظفه دا عشان تعرف الموضوع كذب في كذب انت جاتك الشجاعه في ادلاء القصه المولفه دي امام اكثر من 200 شخص ماقدرت تبلغ في نفس الوقت واحد من المراقبين الدوليين او واحد من مراقبي الاحزاب .مع العلم اي مركز تصويت فيهو مراقب دولي ومجموعه مراقبين احزاب ,, بعدين عاوز اقول ليك نفس المفوضيه اعترفت اننا ماوصلنا درجه الكمال لان الانتخابات دي جديدة على السودان والعالم العربي اجمع ,,وممكن واحد من ناس الموتمر اتصرف تصرف خاطي الي بتقول عليه الموظفه دي بس دا مايمنع ان اكثريه الشعب صوتت للبشير ,,نقطه اخري لو في تزوير داخل السودان فوز البشير خارج السودان برضوا تزوير ياخوانا اذا المتكلم مجنون طيب خلي المستمع عاقل ,,انا قلتليك انا لاموتمر لاهم يحزنون لكن انا توقعت فوز البشير لانو ياخي مافي منافس ليهو انا بعتبر انوا كان نازل براهو في القائمه ماعاوزو يفوز ,,

مافي تزوير ولايحزنون × عشرون عاما هم يحكمون

وبأسم الدين × لكل معارض يبهتون

اكلنا الفتات × وهم من دماءنا يشربون

قال الخضر لكل متظاهر× نحن بالقنابل راجمون

لا والف لا ياعمر × انتم زائفون



دي من دندنات ولد موريتان ومابكمل عشان مايطلع قرار باعتبارنا نحن الذين بموريتانيا معارضين وتضيع حتي شركه سوداتل
الماسكه اتصالات موريتل وفضحتنا *******

التحية لكل الأخوة المتداخلين

لدي سؤالين أرجو الإجابة من الجميع ...

السؤال الأول هو : من أحق بحكم السودان في ظل الظروف الحالية والأحزاب السياسية المتواجدة على الساحة ؟؟؟؟؟

في إعتقادى إذا قام كل منا بالإجابة على هذا السؤال من منظور المصلحة العامة للسودان (الوطن) وليس بمنظور الجهوية والحزبية والمصالح الخاصة سيكون هنالك إلتقاء في وجهات النظر .

السؤال الثاني : ما هو الحزب المرشح في الإنتخابات والمنافس للمؤتمر الوطني ؟؟؟؟

صدقوني "لا يوجد منافس" ولم تكن مزورة ولكنهم أثبتو للجميع بأنهم هم الأحق بحكم السودان وفي المقابل كل من لم يثبت ذلك برر فشله بالتزوير وعدم النزاهة .

ولكل منا رأيه وإختلاف الرأي لا يفسد للود قضية

لكم مودتي ،،،

اخي الفاتح العزيز تحيه طيبه وبعد صدقتي شاهدت المقاطع لم اكملها تعرف ليه لانو واضح التزوير ,, التزوير في الفلم مش التصويت ياخي المصور دا قاعد وسطهم وماشايفنوا ليه وصلنامرحله التكنلوجيا لدرجه الاشخاص ديل ماشايفين الكاميرا,ياخ الفاتح في فرق بين قائد طيارة وقائد دوله انا سبق وقلت ليك البشير استلم البلد من الصادق وكانت خرابه ,جرنج وصل كوستي وقرب من الخرطوم الاقتصاد اسوا من اقتصاد الصومال الجيش بيمشو حفايا المهم البشير بدا بمجموعه تجارب على الشعب واقول ليك ضغطت الشعب وجوعته اكثر واكثر لكن ماهيه الا فترة وجيزة وبدا الشعب يشم نفسو وياكل جاتو واخر روقه والله باين في الناس الروقه من التلفزيون ولا نسيت كراسي البلاستك للمذيعين هسي اي زول راكب عربيه اخر موديل في حين كان الناس يتبايعوا عربيات السبعينات وكانها الفينات والله ياخ الفاتح حاجات يشيب ليه الراس ,,فياضانات 88 الشعب غرقان والميرغني في اجازة في اليونان .. الشعب جايع والصادق يطالب قال ايه بفلوسه ..ياخي البشير دا سئ سئ سئ عليك الله في احسن منوا في القائمه ياخي احزابنا الحاليين المفروض يتحاكموا على اسائتهم للشعب قبل ماينزلو في الانتخابات سامحني كلامي ملخبط وشرقته وغربته دا من حرقتي وحزني على السودان زمان ياخي الاحزاب رجعتنا 100 سنه وراء يلا على البشير اولا يقدمنا ال100 سنه بتاعت الاحزاب وبعدين يبدا يمشي قدام ,,اخ الفاتح انا قلت ليك لو فرضنا الانتخابات دي حصل فيها تزوير انت عارف انو السعوديه اقصد السودانيين اتعمل عليهم استطلاع سري وجدي اكثر من 90 % عاوزين البشير ,ياخ الفاتح لو الموتمر الوطني زور الانتخابات دا يعتبر قمه في الغباء عارف ليه لانو مايحتاج هم فايزين وبتفوق ,اخي الفاتح اكثر حاجه زعلتني من البشير لم عاوز يدخل الاحزاب في الحكم يعني نرجع تاني ايام زمان دا يخرب المكن عشان تقطع الكهرباء ودا يدس العيش ودا يبيع قوت الشعب ودا دا كلوا على حساب الشعب الغلبان والله مهازل عملوها الاحزاب الحاليه المفروض تاتي احزاب جديدة وتلغى جميع الاحزاب الحاليه ,انهي كلامي وبقول سير سير يابشير والله يوفقك وينصرك على اعداءك واعداء السودان واعداء الشعب ,,,,

اخي الفاضل الفاتح انت تعرف انو اكثر ناس يحكموا على وضع الحال في السودان هم المغتربين سالتني ليه لانو الناس العايشين في السودان اولا دائما ساخطين مهما اتعمل ليهم وثانيا لانو الجوه الملعب مابشوف زي البرة الملعب , احنا اكثر ناس عشنا مغتربين لكن كل سنه بنمشي السودان وكان كل سنه نراها اسوا من الي قبلها وهكذا بدون النظر مين الحاكم السنين العشرة الاخيرة وجدنا كل سنه الحال احسن والمعيشه ارخى والناس مع احترامي نظفت اكثر واكثر لكن مالاحظنا على الناس انهم مازالوا ساخطين اكثر واكثر ودا يفسر ليك انو احنا السودانيين مانقول الحمد لله دي ابدا انا عشت مع المصريين ومع السعوديين ومع السوريين وحتى البنجلاديشيين في الاكل بقولو الحمد لله وبسم الله لكن السوداننين ولاحظ دا بنفسك اول مايقعد على الاكل يبدا الانتقاد العيش دا ناشف الاكل زفت ال ال ال والله واحلف وانا صادق لاحظتها كتير جدا فينا طيب انت عاوز ربنا يصلح حالك وانت دائما ناقد وساخط على نعمتوا في حكم الاحزاب احنا شفنا مافي زول حكلى لينا الشباب يشيلوا بطاطينم وماشين يباتوا جنب الفرن عشان العيش الصباح والله مهزله في الصومال ماحصلت ,نسيت يالفاتح انا كنت واقف في طرمبه بنزين والله من بعد الصف انا ماشايه الطرمبه موقعها وين ولا نسيت السكر والحليب اصبح من الكماليات واتلغى من كثير من البيوت ولا نسيت الواحد بياخد يومين عشان يوصل دنقله الى على بعد 300 كم ,,الفاتح سيك مين الحاكم الان واعتبر اننا لان حاكمنا الاحزاب بامانه حالنا قبل 10 سنين زي هسي من ناحيه المعيشه العمران الاتصالات المواصلات الطيران المطارات الملاعب التلفزيون البترول العلاج ,,,,بس قبل ماتحكم زور السودان الان واحكم والى اللقاء

عايز تعرف العلاج شوف نسب السرطانات بالشمال والفشل الكلوي

وحكاية طيارة براكبين الاردن صنعها قبل عشر سنين ومنتظرين 4 ركاب بدل اثنين

والبلد التطور فيه طبيعي الناس بتمش قدام

والبترول حتي الحركة الشعبية الشريك ماعارفة كم برميل


ياخوي بوريان خليك من كلو وين الشريعة في برنامج البشير

وارجع لصحافة السودان قبل قرار اوكامبو بيوم البشير اطلق سراح 4000بائعة خمر

تفتكر داير يرضي ربه ام امريكا واخوانها

وعمك البشير ده ماحلف طلاق لو دخلو الخواجات البلد والان البلد كلها استخبارات

وخواجات والا الحليفة مابتقع لانو رئيس هيئة العلماء احمد الامام مستشار

والله لو قال المؤتمر الوطني انو بيلعب بالدين ماكنا اشتغلنا بيه لانه تافه

البيغيظ اللعب باسم الاسلام ومبروك للبشير

يابن عمي الراقصات دائما ينتحرن بعد الاكتئاب

وازيدك فاز بجائزة ولد موريتان لأكبر واكثر رئيس يرقص ويتمايل

بس دي بنسبة 100في المائة ولانو صعب تسليم الجائزة خارج الوطن

فسيتم تسليمه الجائزه ب متحف الرقص الشرقي