بلدي الحبيبة

شوق للنيل
وشجر نخيل
وشمساً باردة وراه تميل
وأرضاً طيبة وطينا وحيل
وشجر النيم الضله ضليل
وغصن البان فرحان بيميل
شوق لليل
وسمر الليل
وشلة ونسة مساهرة الليل
في ضو القمرة الكاشفة الليل
في الرملة الباردة الشاربة النيل
وفي نص الونسة الشاقة الليل
نسمع صوت غناوي الليل
ونتنفس نسايم الليل ..
شوق للناس
وطيبة الناس
الصافية قلوبا بدون وسواس
والعامرة قلوبا بالإحساس
والطاهرة قلوبا بحب الناس
والماخدة الطيبة وجوب وأساس

يا بلدي
تهنا هناك واتعذبنا في بُعدك
شربنا المر وعشنا الذل بعيد عنك
صبرنا كتير نفتش في وطن بَعدك
يكمل لينا من نقصا بدر منك
محال لكن نلاقي هدفنا غير عندك
أو صدراً يسعنا جميعنا غير صدرك
نلف نرجع نقول إنك..
عزيز وانحنا اتعذبنا في بُعدك ..

26-Oct-08, 09:51

وطنا غالي × وان كان للدمع زرفنا وياغلاتو

بشجرو ونخيلو× وجمال حتاتو

وطيبة ناسو وحسن معشرهم × وضل شجراتو

يلاقيك الخال والعم مبتسم × والراعي لغنيماتو

ابتتنا أصالة ومسيد أبدربين× صلينا فيه واكلنا لقيماتو

وفي ميدان الشرق لعبنا × وحفرنا رميلاتو

هي خاطره وليست شعرا