@@@ عيد ميلاد الغالي عماد شطة @@@

]size=24]عمنا العزيز عماد شطة
عندما تعجز الكلمات عن وصف المشاعر
يكون الإحساس أبلغ وسيلة
ألف مليون مبروك وعقبال العقد الخامس بعد المائة
ومني ليك أكبر تحية وكل سنة وأنت طيب
انتظرنا بعدين نجي نطفي الشمع سوا[/size]
والتورته دي جاياك في الطريق

عقبال المائة يابن العم والخال بس للتصحيح

عندما زرت الدروشاب قبل ثلاثون عاما كان عمرك وانت تلعب مع

محمد سليمان حوالي ال42عاما ومافي داعي للتسنين

الغالي شطة كل سنة وانت طيب
عمر مديد وصحة و عافية
يزيد ويبارك
وعودا حميدا من الغربة لارض الوطن فيها تعرف قيمة الزمن وقيمة الانسان
تحتضن بترابه وتنشد احلى الالحان
اهديك قصيدة محمد طه القدال
حليوه ليلة المولد

حليوة ليلة لمولد
بقول غنوات وأقول غنوات
فى البلد ا لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
* * *
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
* * *
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
* * *
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
* * *
سألتك بى كبيداتن ودعواتنا
شليل وين راح؟؟
يكون ضل الخريف فاتنا
شليل وين راح؟؟
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية

--------------------
وضحكت ما هـمــاني شــي وبكيــت ولا هـــماني شـــي

كل سنة وانت طيب ياعماد وعقبال 200سنة مابقدر اقول 100سنة لانك اكيدكملت ال100

الود الشقي عماد شطة لك التحية والظاهر محمد سليمان دة مكبرك شوية

عشان كدة أنا مرسل ليهم الصورة التحت دي عشان يعرفو عمرك الحقيقي وياريت توريهم إنت ياتو في ديل

طبعاً الصورة دي من رحلة الوداع لي محمد سليمان والفاتح الجوص لمن كانو مسافرين مصر في طريقهم لهولندا

الوقت داك طبعاً يا عملك هم كانو كباااااار وأنا بقول كدة عشان أصحح معلومة ولد موريتان

وأنا داير أذكرك إنشاء الله يكونو أدوك حق الغسيل دة

عيد ميلاد سعيد وعقبال الشمعة 55 باعتبار إنو تاريخ ميلادك خمسة خمسة.....!!!

الاخوة الاعزاء لكم اجزل الشكر لاهتمامكم بي وان شاء الله نحتفل باعياد ميلادكم معنا على صدر هذا المنتدي الجميل الذي لما شملنا كلنا وانا طبعاً بعتبر عمكم علشان كدة عاوز اقول ليكم انو الكبر ماعيب لاكين العيب انو الواحد يكون كبير ويصغر في نفسو زي ولد موديتان والده الله يرحمه في السعودية من اكثر من اربيعن سنة وهو عمرو كان كم لمن جانا في الدروشاب كان جاي من البلد اما اخوي وابن خالي العزير فيكفيهو انو في هذه السنوات كان متجول في محطات السفر في بلاد العم سام من دولة الي دولة وانا صحيح الزمن داك كنت في السعودية لاكين مضاف في جواز والدتي بالله الفرق بين واحد واقف امام محطات القطار في هولندا والمانيا وبلجيكا وواحد مضاف في جواز والدته شنو
والكبر ماعيب وان شاء الله سوف احضر لكم صورة من الجواز في داك السنة

كل عام وانت الحب ياشطوط
لعلم الكل انا مهدد شخصياً من ادارة المنتدي وبعض الرموز لذلك لا استطيع الا ان اقووووووول كل عام وانت بخير ياشطوووووط
لقيتني كيف يامحمد سليمان ومعاوية عوض

يا عمده يا غالي كل سنه وانت طيب السنه الجايه كده مع ولي العهد انشأ الله وأنا أسف جدآ على التأخير ما لاحظة البوست الا هسع ولا يهمك كلام الحساد ديل حاسدينك لأنك اصغرواحد بس خليك زي ما أنت جبل مايهزك ريح (رجال محكحكتآ معادنها) بعدين الأخ سعد ماتقول انك خايف من ناس المنتدا قول انك خايف من العمده ينشر غسيلك زي المره الفاتت

الاخ ابو السعو لك التحية والتقدير وعاوز تقول اي حاجة في بالك ومافي زول بهدد زول لاننا كلنا اولاد تسعة مش محطة تسعة بتاعت زمان القبل الزلط زمن اللفة بتاعت العرب واظنك انت كنت قاعد تلعب ماعهم هناك مافي اي حرج من الكبر .
الاخ الفاتح شكراً ليك الظاهر اختلطت عليك الامور انا اكبر منك بثلاثة شهور ومن ابن خالي بخمسة شهور ومافي حرج ان شاء الله بس انت سافرت صغير وابن خالي وراك علشان كده الناس بتشوفكم كبار لاكني انا بحاول اصلح المعلومات .
ابو طيف لك الود والتحية والتقدير والله مشتاقين شديد وعقبال شمعتك المليون يارب بالله كتر لينا من الدعوات ده وياحبذا لو كانت في الحرم