اقتراح مهم

والله ياخ الفاتح انا من الناس البايد فكرتك لأنو فعلآفي حاجات الواحد ما بيلآحظه ألابعد فتره وتيكون فات عليها زمن لأنو الواحد مابفتح كل المنتديات وياريت لو يكون في وقت محدد من اي يوم ولو في الشهر مره نكون مجتمعين كلنا في الدردشه نتبادل فيها الأراء أوعلى القل نعرف أخبار بعضنا على الهوا
بعدين ياناس الرياض سمعنا أنكم أجتمعتو في ألأستراحه عشان تداولو أمور الجمعيه الخيريه بتاع ابته
ولكن للأسف ماعلمتون بنتيجة ألأجتماع ولاداكان أجتماع يخص ناس الرياض بس

عزيزي وابن الخالة عريس الموسم والمنتدي
دعني بأريحية شديدة أتوقف عند نداءك والاقتراح والذي لخصته حول التجمع

في المنتدي العام

والغريب انني وقبلك بساعة وحوالي عشرة دقائق في موضوع

اثراء المنتدي طالبت بتنوع المواضيع في جميع أقسام المنتدي

وملاحظاتي حول دعواك مايلي



88 أتمن 88الانشغال مع العروس وبما انك مستجد مايكن السبب وراء

التحجج بالانشغال لتجميع الناس في المنتدي العام يعني بعد

شهور نفتش ليك تفتيش ومانلقاك

الامر الثاني صدقني من يعجز عن قراءة المواضيع الجديدة بالاقسام

اليوم ××غدا ستجده عاجزا حتي عن قراءة المنتدي العام

والامر الثالث والله انا أدخل المنتدي من الكافييه محل الانترنت

فان لم أستطع استقطع سويعات لابتة فلمن أستقطعها((لربي أولا))

عزيزي الفاتح في عز فرحتك وأنشغالك بالزواج كنت مع المنتدي

والرابطة اليس ذلك بحافذ للاخرين للدخول للمنتدي من باب القراءة

فلن نطالب الكل بالكتابة

وأمر مهم أخر كل منتديات الدنيا تزيد اقسامها فلم نضيق الواسع

ومشكل مهم يغيب عن منتدانا أين المشرفون غير ولد هولندا

فمشاركاتهم خجولة ثم أليس من باب أولي ان يكن لكل قسم مشرف

يثري النقاش فيه ولو برؤؤس المواضيع

لان وقت ولد هولندا وموقعه يجبره علي الاطلاع علي المواضيع فقد

لايكفيه الوقت للتعليق

عزيزي الفاتح ان لم تكن الهبة جماعية سيترنح المنتدي وساعتها

سنتباكي ولن ينفع البكاء

وأخيرا فليثر الشباب المتدين المنتدي الديني

ومن لهم حب روح الفكاهه فعليهم بمنتدي الفكاهة

وكل خبر فرح ومشاركة حزين للمنتدي الاجتماعي

ولمحبي الصور فمنتدي الصور ينتظر الابداع

وكذا سينال كل منتدي نصيب



المطلوب المشاركة القراءة الاطلاع واولا واخيرا ليبق المنتدي

صورة زاهية من جمال أبتة الام الحنون التي ان رضيت

لسنين تخازل الابناء بعد ان أدي الكبار دورهم فلن ترض

بتكاسل الشباب وهم الحماس وجيل النصر

قد اطلت لكنك فتحت جرحا ولامست مكان الالم

فدعنا نبحث عن الامل

وليعد الجميع للمنتدي

اعزائي اعضاء المنتدى ,,انا اعتقد ان كل عضو من اعضاء ابته له منيه في اشتراكه في المنتدى واحدة او اكثر هذا ليس عيبا انا شخصيا منيتي صله الرحم طبعا الكل يعرف مدى اهميه صله الرحم (لايدخل الجنه قاطع رحم ) ومنها هي سبب اطاله العمر ,وووو الخ زمنا دا صله الرحم اصبحت حاجه صعبه بسبب ظروف الحياة وبعد المسافات وانا دخلت في مناقشات كثيرة اننا مافي حل لهذة المشكله الا النت تستخدم الانترنت في صله الرحم احسن من لاشئ يعني انا مثلا عندي اولاد عم في مصر اكثر من 16 سنه لااعرف عنهم شئ ولاادري هل التقصير مني او منهم الامر شتان نحن الاثنان اكيد اثمون . الله يغفر لينا فياخوانا رجاء كل الرجاء ويامشرفون ارجوا اعادة النظر في المنتدى اولا الاسم كامل وثانيا صورة حديثه مع ارقام الهواتف دا طلب بسيط وخلي يكون هدفنا وعملنا خالص لله سبحانه اما النساء الاسم كامل ولاحرج ,,,فلنرفع شعار ( صله الرحم بالنت )

اخواني الاعزاء السلام عليكم
الاخ الفاتح انت شكلك كدة بعد العرس بقيت كسلان طالبت يكون المنتدى العام والتعارف فقط وبعد شوية قلت زهجنا من الكليك الكثير وياخوفي بعد شوية ما نلقاك في المنتدى كلو . ياجماعة حلاوة المنتدى في تشعب المواضيع ومعرفة الآراء المختلفة ونتعلم من الجميع من اهل الدين وناس السياسة واهل الرياضة ومحبي الفنون بانواعهاومبدعي التكنلوجيا مثل التجاني وهاني وعاشقة الجنة وبنت ابتة وايضا اتعرفنا با احبة كثيرين ام نكن نعرفهم وايضا وجهات النظر المختلفة واحلى من دة كلو لم شمل ال في اليابان والمانيا وامريكا والسودان والسعودية . وياابوطيف انت عشان ماقاعد تتدخل المنتدى إلا قليل ولمن تدخل ماقاعد تشوف كل الماضيع عشان كدة ماعرفت موضوع الاستراحة والرابطة ودة كلو موجود بس فتش شوية بتلقاو في المنتدى . ولد موريتان انا معاك تماما مع بعض الملاحظات ويا ابو ريان جزاك اللة خير على صلة الرحم وربنا يكثر من امثالك وبمناسبة صلة الرحم اخونا عمر وينو قاطع لية فترة ومعليش ماتزعلو مني عشان كترت معاكم الكلام

أخي الفاتح

يا معلم إنت الظاهر إختلطت عليك الأمور بعد العرس دة
وكلامك كلو بقة

(((طيب لى نكون متفرقين وما نكون فى مكان واحد يجمعنا كلنا !!)))

(إنت داير منو يكون معاك بالضبط؟؟؟)

وأنا رأي إنو الناس حقو تلتزم في سردها للمواضيع كل شئ في المكان المخصص ليهو لأنو الشغلانة جايطة شديد عشان على الأقل يكون في تنوع في المواضيع ويعم النشاط كل أقسام المنتدي حتى يكون شكل المنتدي منظم وأكثر جمالاً

كل الود لك والأعضاء المتداخلين ولد موريتان وأبو طيف وعمرو وعادل وأبو ريان

أخي الفاتح

يا معلم إنت الظاهر إختلطت عليك الأمور بعد العرس دة
وكلامك كلو بقة

(((طيب لى نكون متفرقين وما نكون فى مكان واحد يجمعنا كلنا !!)))

(إنت داير منو يكون معاك بالضبط؟؟؟)

وأنا رأي إنو الناس حقو تلتزم في سردها للمواضيع كل شئ في المكان المخصص ليهو لأنو الشغلانة جايطة شديد عشان على الأقل يكون في تنوع في المواضيع ويعم النشاط كل أقسام المنتدي حتى يكون شكل المنتدي منظم وأكثر جمالاً

كل الود لك والأعضاء المتداخلين ولد موريتان وأبو طيف وعمرو وعادل وأبو ريان

صباحيتك مباركة يا عريس
مشكور على الموضوع الجميل
ومشكور على الاهتمام البالغ برغم الظروف
وانت عريس ويادوب حتركز معانا
يعني التركيز الان بقى في محل واحد
وبعد كدا حتركز في باقي الامور الدنيوية صح
المهم انو لكل ناس اهتمامات ولكل واحد راي
فقط ان يكون المنتدى بالصورة المثالية و المواضيع الجميلة
ان كنا نختلف في المسميات لكن القضية واحدة
كل المنتديات في النت بهذه الطريقة وكل موضوع تجد المشاركات و فيها بشكل جميل ومؤسس حسب الاهتمام
لكن في موقعنا الناس كلها ملمومة في كوم واحد او اتنين فقط
مافي فن مافي دين مافي رياضة مافي اجتماعيات ووووووووو
الواحد عايز يخش المنتدى و يصفح في كل الصفحات ويشارك ويضيف وينتقد ووو
تعرف في المنتدى ده في محلات الناس شهور ما دخلت فيه ولا شافت اي موضوع مكتوب فيه و بدلائل و اللبيب بالاشارة يفهم - خش اي خانة غير المنتدى العام وشوف المشاركات كم و متى
بعدين نحن في انتظار الموقع الجديد وبالصورة الجديدة والتي نريدها متميزة في كل شي
بس ياريت لو اسرعو في التصميم
وكمان الناس تشارك و تدي رايها من بدري عشان نطلع المنتدى بشكل يليق بقامة ابته
ونشكرك على هذه الساحة والمساحة
ومرة اخرى
صباحية ومسائية مباركة يا عريس
لك ودي واحترامي