هام لجميع الأعضاء

الأخ المشرف محمد سليمان لك التحية والتقدير وبعد،،،
أشكرك جزيل الشكر والتقدير على تقبلك للموضوع بجدية تامة نعم للديمقراطية ونود التواصل بهذه الطريقة.
أنا أوافق على مشاركة الرجال والنساء بأسماء مستعارة بعد التأكد من هوية النساء.
ولكم شكري وتقديري.

HAMD كتب:الأخ المشرف محمد سليمان لك التحية والتقدير وبعد،،،
أشكرك جزيل الشكر والتقدير على تقبلك للموضوع بجدية تامة نعم للديمقراطية ونود التواصل بهذه الطريقة.
أنا أوافق على مشاركة الرجال والنساء بأسماء مستعارة بعد التأكد من هوية النساء.
ولكم شكري وتقديري.

الأخ حامد ياريت تراجع بنود التصويت مرة تانية
لان الخيار بتاعك دة ما موجود اصلا في قائمة الأختيارات
بعدين عشان ما تفقد صوتك اختار رقم الخيار في الصويت واعمل (إرسال للتصويت )

الأخ محمد سليمان لك الشكر على مرورك وتقديرك.
فعلاً الإجابة حقي ما موجود المفروض يكون موجود وياريت لو ضفت هذا الخيار، معليش مع احترامي لك ولكن أنا الآن اختار الخيار رقم (1).
ولكم الشكر.

اخي العزيز محمد سليمان انت لو عايز الحقيقه ما المفروض يكون في اصلآ بند في منتدانا اسمو ((رجال)) بأسماء مستعاره لأنو نحن مابنقطع ألأرؤس ولابنسجن ولاعندنا سلطا على زول فالواحد العندو كلام وشايف انو صح ومابيخجل منو مالو لمايقولو ويكون تحتو امضاء بأسمو الحقيقي لأنو زي ماقالو اخوانا البدو((يد ماسرقت ما تخاف القطع)) اما الواحد لو عايز يستخبا خلف ستار او اسم مستعار
معناهو في سر او عيب خجلان منو وماعايز الناس تعرفو أويكون ليه اغراض تانيه منها بث روح التفرقا والبغضاء ودس السم في العسل وللمعلوميه أنا بقول الكلام ده ومابقصد بيه اي شخص بيعينوولكن بقول فيمامعنى الكلام ودا وجهت نظري للأشخاص أوبلأصح للرجال
البيستخبو خلف أسماء مستعاره أمابنسبه لنساء فلاملامه عليهن لأنومن حقهم ان يسترو انفسهم حتي ولوكانو من اقرب الأقربين لأنها في النهايه مره وشكرآ وأنا أسف لواطلت عليكم واكرر انا ماقاصد احد بشحصو ارجو ان لا يزعل منى زول
لحدة الكلام لأني بصراحه مابعرف انمق الكلام ودايمآ كنت باخد علامات ضعيفه في التعبير في المدرسه

سيدي الادمن ...

من العيب ان نجبر الشخص ان يعرف اسمه ...

هذا منتدى وليس دار حكرا على فئة معينة ...

يجب ان نكون عقلانيين ...

اساسا لا يجب ان يكون هناك تصويت على هذا الشرط ...

انا عن نفسي لا استطيع ان اكتب اسمي الحقيقي ...

ليس تنفرا من والدي الذي هو اعز شئ عندي في الدنيا ...

ولكن لان ادب المنتديات يمنع ذلك ...

وان فاز تصويت ذكر الاسم الحقيقي فانا لا استطيع ان اكتب اسمي سيدي الادمن ...

ليس لشئ الا لان هذا المقام لا يستقيم هكذا ...

كل الحب و الود ...[b]

الاخ المشرف العام نشكرك على مواقفك النبيلة تجاه انجاح هذا المنتدي وانا والله بشوف انو هذا المنتدي منتدي اسري والناس مفروض تدخل بالاسم الحقيقي علشان نعرف اخبار بعضنا يعني اديك مثال ابن عمي الفاتح في المانيا خاشي باسمو وعارفين اخباروا اول باول لاكين اذا دخل باسم مستعار انا حاتصل عليهو باي وسيلة علشان اشوف اخباروا شنو وكذلك اخوانا الفي جدة والطائف والخرج والاخ باسطة انت مايحتاج تذكر اسم والدك لانو عصام باسطة يكفي (واسمك نار على علم ياود اركويت ) (الترموخ يعني تفاتيح ) وبطل حركاتك ده وانا ضد الاسم المستعار للرجال للنساء نعم

الاخ عصام كيف اخبارك يازول انت مامحتاج توضح اسمك الحقيقي . انت نسيت انو صورتك كانت موجوده في المنتدى لفترة طويلة قبل ماتخت لينا القرد ده وبعدين شنو قصة القرد خائف من العين ولاشنو . ارجو ان تقراء ماكتبة الاستاذ حجازي في المنتدى العام تحت عنوان الى من يهمه الامر سلام (اقراءه بتمعن ) ودمت

اما آن لهذا الباب ان يقفل ويتم اعلان النتائج النهائيه ---الموضوع اخذ وقتا اكبر مما يجب ومر عليه اكثر من مائة شخص --اقتراح بتحديد زمن نهائى للتصويت ومن ثم يتم اتخاذ القرار المناسب --لكم الود