النسيان

النسيان
قدُر ما قلت أنساكي وحات العُشرة مـــا قــدرتْ
لأنِك عايشة في جواي وفي عينيكي أنا تُهــتْ
في دربِكِ شقيت ياما سنين من عمري ضيّعـــتْ
كتير عايشت دنيا الناس زي دنياكي ما شُفتْ
صبرت كتير وراكي ياما ليالي طويلة ساهرتْ
عــذاب الفرقة عانيتو تعــبت كـتيـر تـألمتْ
مناي إتهنى كان جنبِك أعيشا حياتي حاولتْ
بــراي سـويتـا فـي نفسي جُرح المـــاضي جـددتْ
ظروفي وراي رميتا وجيت ظـروفِك إنتي قدرتْ
ربيع العمـــر فـــات روّح خـــلاص لي أجـــلي قرّبتْ
تدوم إن شـــاء الله أيــــامِك لوْ احيتيني او مٌتْ
تعيشي دوام في أفراحــك أنا الاحــزان تعوّدّت
غلطان أصلي يوم بُحت كشفت مشاعري صــارحتْ
فتحت قليبي لي حبكِ لرغبات نفسي طــــــاوعتْ
أريتِك كُنتي عني بعيدة ما كان ليكي صادفتْ
كيفن تنسي عٌشرتنا وكيف بعد السنين هُنتْ
كتمتَ هــواكي في جــواي حزمت أحزاني ســـافرتْ
بعدِكِ تاني ما بنحِب ولا بنهوى باب الريدة قفّلتْ
خـــلاص فارقتْ دنياكِي طـــويت أحــــلامي هــــاجــرت
بشيلِكِ في القليب ذكـــرى محـــل مــا رٌحــتْ قبّلتْ
عبد السلام مصطفي

ومنو القال يابو مصعب نسيت دربك ××ماأنت الحلم والعشق

درب السمح مابنفات **بلاهمس ولارشق

وان كان صبرت لقيتني جمبك××في الرياض وحتي دمشق

ماك للجرح جددت ××انت الاصل والنسق

بل اهوي وريد ××ابته هي العشق