شعر من التراث السوداني (بنونة بت المك نمر) غناها العملاق الكابلي

بنونة بت المك نمر:

ماهو الفافنوس ماهو الغليد البوص

ود المك عريس خيلاً بجن عرقوس ..

احي على سيفهُ اليحت الروس ...

يا جرعة عقود السم ..
يا مقنع بنات جعل العزاز من جم ..

الخيل عركسن ماقال عدادن كم ..

فرتاك حافلن ملاي سروجن دم ...

متين يا على تكبر تشيل حملي ..
اياك على الخلاك أبوي دخري ..
للجار والقريب الكان أبوك بدي ..
للغني و الفقير الكان أبوك بِحَجِي ..
للقوي و الضعيف الكان أبوك بحمي ..
لا تعاين الوجوه ...

ضربك دشر سوي ..
سيفك في غضاريف الرجال اروي ..

مادايرالك الميته ام رماداً شح ..
دايراك يوم لقي بدميك تتوشح ..
الميت مسولب و العجاج يكتح ..
أحي على سيفو البسوي التح..

في انتظار مساهمات الجميع بإضافة أبيات عن الفروسية والشجاعة من التراث السوداني والعربي.. وطبعاً يقبل الشعر الغنائي...

حدد عادل عاوز مشاركات شعر من ابداعاتي الخاصة ولا من الثراث الموجود القديم ؟؟؟

الاخوان عادل وعمر والاماجد **سأنشر ديواني الاول قريبا

بعنوان الحسناء طبعا لو ماضايقوني الجماعة وأضطريت أعرف أسمي

وساعتها بكتب قصيدة الوداع للمنتدي وأفارق

وداير واسطتكم سكتو شطة والتجاني والفاتح وعبيده بعدين

بكتب الشعر والاكيد وساطتكم مابتقع في الارض

والله ياولد موريتان كلنا متمنين نعرفك معرفة حقيقية فقط لمزيد التواصل . وتاكيد الاخوة

ولكن اذا الموضوع حيخليك تبعد عننا فلا والف لا خليك على اسمك . على امل نعرفك يوم مـــا

وانا اناشد الاخوة ان تتركو كل على حريته !!!!!!