[color=red]المغتربين بين آمال العودة وطموح الحاضر[/color]

لعمري ما ضاقت بلاد بأهلها ××× و لكن أحلام الرجال تضيق

مهما أختلفت رؤيتنا في الغربة فهدفها واحد , و لكن ماهي أحلام المغترب ؟
منذ بداية الإغتراب هل هناك زمن محدد لها ؟

كم نسبة الذين حققوا أهدافهم من الغربة ؟
ما هي سلبيات و إيجابيات الغربة ؟

لكل واحد منا آمال و طموحات عريضة تنتابه منذ الصبا , و لكن عندما يحين وقتها نصطدم بالواقع و يبدأ البحث عن الحلول , الوظيفة ما بتأكل عيش , و السوق ما عندو أمان و عايز رأس مال . مافي غير السفر بره سنتين تلاتة كون نفسك و أرجع !!!

و أبدأ في جمع حق السفر ( و ما أدراك ما حق السفر ) و حدد يوم السفر , الشلة عاملة حفلة وداع , الأسرة عاملة حفلة وداع , ناس النادي ناس الكورة ناس الحلة كل واحد على طريقته , و يوم السفر - أسوأ يوم في الحياة - الدموع , البكاء , و مع صفارة القطر الأخيرة يعلو النحيب - جعير عديل كدة - .. و طيارتك قامت .

و عند الوصول إلى بلد الغربة تبدأ المعاناة , إجراءات و أوراق و من ثم البحث عن العمل . و بعدها تأخذ الحياة شكل مختلف قليلاً ( عفواً بل كثيراً )
فمنا من يعتقد أنها للأفضل و البعض يعتقد أنها للأسوأ ..

و من هنا يبدأ محور حديثنا , فبمرور السنوات يبدأ البحث عن الإجابات التي بدأنا بها , .
فهل حققنا الغاية التي جيئنا من اجلها اذا كانت الاجابة بنعم فلماذا لم نعود ادراجنا ونرتاح وسط الاهل ونجلس في احضان الوطن؟
وهل اذا عدنا سوف نتاقلم هناك؟
او نستطيع ان نامن لاولادنا نفس الوضع الذي كانوا يعيشون فيه هنا؟
وهل سنجد كل الخدمات الاساسية او ادني متطلبات الحياة بشكل نظيف ومرتبكما هو الحال هنا؟

اما اننا سنجرى يمين ويسار اذا مرض احد الابناء ونحاول ان نعالجة ولانجد الرعاية المناسبة؟
اما اذا كانت الاجابة ب (لا) فلماذا التاخير في تحقيق الاهداف؟وماهي الاسباب ؟ ومتى تكون العودة ؟ و.. .و ....

السلام عليكم ورحمة الله[b]

تتكمو عن الغربة , انا في راي اي بلد اسلامي مايعتبر غربة

وعموما عشنا في الغربة معظم العمر بل اكثره لو اعتبرناها غربة

اذن كيف تكون غربة .


اي مغترب زاد عن 10 سنين اكيد عند رجوعه لبلده يحس انو غريب

الاخ عبدالله عثمان
شكراعلى مرورك الكريم وتعليقك الجميل الذي ترجم الواقع المعاش
ومع كل تلك الضغوط المادية نحاول زيارة الوطن من حين لاخر ونعود بخيبة امل كبيرة وتتحول آمال العودة الى سراب

الاخ عمر
نحن بنتكلم عن مفهوم الغربة عن الوطن بشكل عام ومهما طالت سنين الغربة فهي في النهاية بعد عن الوطن والعودةامر حتمي اما شعورنا بالغربة داخل السودان هذا الامر الجديد فقد تغير سودانا ولم يعد ذلك البلد الطيب الذي يتسم بالمظهر الاسلامي المحترم فقد تغير الشارع السوداني وتغيروا الناس اصبحنا نحن الغرباء
فقد انقلبت الموازين والله لقد رايت وسمعت في زيارتي الاخيرة ما يشيب له الولدان وعندي بوست بهذا الموضوع سوف انزله عما قريب انشاء الله

الاخت عاشقة الجنة ( جعلنا الله منها )
التحية لك .. ولاأدري لماذا عزفتي علي الوتر الحساس وأيقظتي فينا مصيرنا المجهول ؟ بسؤالك متي العودة ؟ وأعتقد أن ذلك في علم الغيب لأننا كسودانيين لانفكر بالعودة لاسباب كثيرة وفي المقدمةأننا تلك البقرة الحلوبه .
والاهل تعودوا علي نمط حياه جديدة لايمكن تبديلها والثاني أن السودان اقتصاديا غير مشجع حتي لو كناقابعين علي جبال من ذهب وبحار من البترول لان الخامنها معروفين ( ماكلين الدجاجة وخامين بيضها) والحكومه غير قادرة علي منح المواطن العلاج المجاني والتعليم بينمافي الماضي كنا نتمتع بها منذ فجر الاستقلال الي نهاية فترة المشير / النميري رحمه الله . وبفعل حكومتنا(الرشيدة ) رجعنا بالسودان مائة عام للخلف من ناحية الخدمة المدنيه والامانة وعدم انضباط الشارع ..واشياء كثيرة ماكنا نسمع بها في الماضي عن إختلاس للمال العام بالمليارات . كنت قد حزمت عفشي ورجعت للسودان من اجل الاستقرار وجدت الخرجين في طابور طلب الوظيفه .. اعداد هائلة من الشباب يعملون في اعمال عشوائيه لسد الرمق . تجد صاحب الرقشة والامجاد خريج جامعه ولانه ليس له واسطة لم يعين .. اذا اتجهت للاستثمار حسب الاستطاعه تكون محاربا من قبل جامعي الاتاوات والجبايات ( يكرهونك العيشة ) لذا.... رجعت لعل في السفر عدة فوائد .. والله المستعان.

اتمنى نعرف معنى كلمة غربة ؟؟؟؟؟

البعد عن الوطن ؟
البعد عن الاصدقاء ؟
البعد عن الاهل ؟
عدم استطاعة الحصول على العلاج ؟
عدم استطاعة الحصول على الرزق ؟
عدم الاستطاعة ممارسة الشعائر الدينية ؟
الشعور بالغبن , وعدم الحصول على الحقوق ؟
الشعور بعدم الاستطاعة باسعاد الابناء ؟

اتمنى كل زول يجيب عن كل سؤال وسوف يشعر بالراحة . ويعرف نفسه هل هو غريب ام لا ؟؟؟؟

اولا اشكرك على الموضوع الرائع و مناولة هموم المغترب السوداني
فالمغترب السوداني عندما يكون في بداية الامر منتظر التاشيرة وهو يحلم بالمركز المالي والبس النظيف و سيارة وبيت ...... ولم يسال نفسه من الذي عمل كل هذا من المغتربين في الاسرة
لكن هو مختلف عن باقي المغتربين ويزداد احلامه عندما يحسبها بالسنين و ويقول انا في اسوأ الظروف حاقبض كذا راتب و بعديها يضربها في 12 شهر و يطلع المصاريف والباقي تحويشة لكي يحقق اماله وطموحاته
ويساعد على ذلك المغترب السوداني الذي يعود للوطن ويشتري بكل ماله الجلاليب الفضفاضة و الهدايا لكل ناس الحلة والجيران غير الجلاليب المطرزة والروائح التي تفوح وتملا الشوارع و سيارة نظيفة و مكيفة و كمان قبل السفر يدخل حمام ساونا مرتين او تلاتة ويجي ناير (يفتح نفس الواحد انو يغترب)وبعدها يصرف قروشو في الفارغة مع الاصدقا و وووو وكل ده تحويشة سنين عديدة ويجي يتفشخر على الفاضي وبعد يومين يعلن افلاسه ويدخل يتصل مليون اتصال عشان يرسلو ليه قروش تذكرة العودة وقبلها كان متسلف وخاشي في صناديق ماليه اول ولا اخر
وكل ده كانت رسالة لابن الوطن ان يكون كل طموحاته الاغتراب
ولايعرف شيء عن الاغتراب الا ينزل اول يوم في المملكة افتراضا ويبدا الاتصال بالكفيل والذي يكون زي البطيخة المقفولة اما ان يكون ابن حلال و يطلع ليك الاقامة و يقول ليك شوف ليك واحد انقل عليه او يكون ابن ......... ويطلع عينك بالمطالبات في كل مرة تقابله واي شي بالكاش وبعدها مجابهة الحياة شي ايجار وشي معاش وشي جوال وشي رسل لي فلوس المدرسة وفلان عيان وجا الخرطوم من البلد وفلان ........ غير الاصحاب اللي انت وعدتهم قبل سفرك اتصالات مطر عليك بالطلبات وانت يومك يبدا متين وينتهي متين ما تكون عارف ويجي نهاية الشهر وتقسم ال 1500 لي عشرين حته وتشوف تحويشتك 150ريال يلا اقعد واحسب وعد وشوف كم سنة وحتنزل السودان بعد ما عينك يطلع وتجي انت زاتك تكرر نفس المشهد السابق وكدا سنين بتعدي وانت لسه واقف منتظر وعشان انا اقنع نفسي بالعودة النهائية للوطن يكون العمر فات وعدى وماباقي من عمرك الا القليل يجيك المرض السكري والضعط ووووووو........ بعدها في المستشفى وبعدها وافتك المنية وانت لسه ما حققت ولا اي حاجة لا بيت ولا عربية ولا ولا .....
ويبقى عمر المغترب السوداني هو اطول من اي جنسية تانية واللي بيشتغلوا عشان يحقق احلامه هو بنفسه فقط لايشتري هدايا ولا يرسل لخاله ولا عمته ولا ابوه حتى و يحسبها سنين معدودة ويعود بعد ان جمع كل ما خطط من اجله

الاخ طلحة
شكرا على المرور والتعليق الرائع والطرح الجميل للواقع المرير للمغترب واتمنى ان يتعظ العاقل

بعد الاجابة عن الاسئلة احفظو الاتي :



اللهم اني اعوذ بك من زوال نعمتك
وتحول عافيتك
وفجاءة نقمتك
وجميع سختك

الحديث في مسلم كان يقولها الرسول

الاخ سيد ابراهيم

المشكلة اننا عايشين وضع وماعارفين كيف يكون مصيرنا فمثل
المغترب المصري بيجي معنا في نفس الوقت ولكن بيكون عندو هدف محدد فيختصر الغربة في 3 او 4 سنين ويعود الى وطنة وقد حقق اهدافه واذا تسائلنا ما السبب وراء ذلك اختصرها في الاتي:
اولا: نحن شعب يحب المظاهر
كما تفضل الاخ طلحة بطرحة الجميل لهذة النقطة عند عودة المغترب للسودان اطرحها انا لجانب آخر من حياة المغترب في بلد الغربة حيث يختار افخم الاثاث (مع التغيير المستمر سنويابمناسبة وبغير مناسبة) وتعال للملابس وما ادراك ماالملابس تجدنانتابع كل محلات التخفيضات ونشتري بدون تمييز لمدى الحوجة وفي النهاية مصيرها ام(للزبالة) اوالجمعية الخيريةثم الديكور والعدة و.. و.. الخ
ثانيا: موضوع السفر للديار
ومايحدث فيها من ترف بكل انواعة في الملبس والهدايا والفشخرة الفاضية
ثالثا:
اللا مبالاة باستثمار الاموال في المشاريع الحرة في بلد الغربة وهذا ماغفل عنه الكثير فالكل يكتفي بالراتب وعلى اساسة يبرمج حياته فاين الطموح ياشباب؟ فلو تكاتفت الايدي وارتفعت الهمم لانشاء كل منا مشروع صغير يدر عليه استثمار ولو بسيط (فمعظم النار من مستصغر الشرر) فقد استمعت مرة للدكتور طارق السويدان في احدى حلقاته في برنامجة المشهور (علمتني الحياة) (انه يجب ان يكون لديك عقار جديد كل خمس سنوات حتى تصير ناجح في مجالك العملي)
وللحديث بقية...

الاخ عمر
انتا اسئلتك هذه هي مايدور فيها النقاش ولكن مهما توفرت لنا متطلبات الحياة الاساسية فلا يعني انها تعتبر بلدنا ففي الوطن اشياء لا تقاس بشئ مما ذكرت ولكن ما زكرته هو ما يحول بين المغترب وبين الرجوع لبلدة ومصيرة المحتوم

ماشاء الله عليك احيك في طرحك وتحديد نقطة بحثك انت ذكية جدا .

ولكن انا احسب الامور بالنسب . انا سوف اجيب :
البعد عن الوطن ؟ نعم نسبة100%
البعد عن الاهل ؟ نعم بنسبة 30%
البعد عن الاصدقاء ؟ نعم بنسبة 5% طبعا لان اي مغترب 90% من اصدقاءه معاه مغتربين .

عدم الاستطاعة الحصول على العلاج ؟ نعم بنسبة 100%
عدم الاستطاعة الحصول على الرزق ؟ نعم بنسبة 100%
عدم الاستطاعة ممارسة شعائر الدين ؟ نعم بنسبة 90%
الشعور بالغبن والظلم ؟ نعم بنسبة 100%

اذن انت غريب بنسبة 10% اذن لاغربة حقيقية

الاخ عمر
شكرا ليك
بس لو الحاجات دي بنحسبها بالنسب والارقام ما رجعنا بلدنا ابدا بس دي اشياء في الدواخل اعمق من ان تحسب او تعد وهي مزروعة فينا منذ الصغر فمستحيل اقيس البعد عن الوطن او اقدر ما تمثله لي اللحظات التي قضيتها في ربوعه فمهما قلت من عبارات او ذكرت من لحظات جميله بين حناياه لا استطيع اناترجم عن اقل مكنون في دواخلي ولكن هي الحياة تعطي راحة البدن ورغد العيش او توفر متطلبات الحياة وتحرمك الكثير مقابلها

يااختي عاشقه الجنه المشكله ان سبب اغتراب الناس ليس المال ,,انما هو الغيرة او التقليد الاعمى بالغير لان المال في ناس عايشين في السودان و كونوا مال اكثر عشرات بل الاف المرات من المغتربين ,, واعمالهم الى حد كبير اكثر من التافه ,,وكان ممكن نكون مثلهم لو مابطلنا تقليد الغير في الاغتراب ,,وانا بقولك انوا كل المغتربين اقارب او غير لم يحقق هدفه المنشود لماذا لاننا لسنا مغتربين بل مهاجرين والفرق بين المغترب والمهاجر فرق السماء من الارض واي واحد يزيد مدة اغترابه عن العشرة سنوات يعتبر مهاجر ومامعنى مهاجر في الدول المتقدمه هو انو اصبح صاحب البلد ويستحق جنسيته يعني بالمختصر المفيد اي واحد زاد اغترابه عن 15 الى 20 سنه عليه نسيان بلده الاصل ويكتفي بتعليق العلم على الغرفه للذكرى ودا ماتجني على المغترب ,,والى عاوز يثبت لي العكس هسي يركب ويمشي بلدة نهائي وصدقوني ماحيقدر يعيش اكثر من مدة التاشيرة الموجودة على الجواز ,,,,
وخير امثله للمغترب مش المهاجر هم المصريين وعندي امثله مصريين شغالين معانا والله مرتباتهم تصل الى 30 الف ريال او اكثر ورغم ذلك حدهم خمس سنوات ويستغنوا طوالي بالله في سوداني بعملها

طيب .. عندنا موجود اية بالقران ( الم تكن ارض الله واسعة فتهاجرو فيها) طبعا هذه رد للذين قالو كنا مستضعفين فيها انا عارف . بس لو قسنا الموضوع من هذه الناحية نجدها تنطبق علينا نسبيا .

انتي كلامك من النواحي العاطفية . مافي شي ملموس او عملي ,,,, ماشي

انا امشي معاك من ده الناحية . عيشي شعور الشخص المالاقي حقه بالسوان , اسوا من الغربة , ماعاوز استرسل من ده النواحي لاني عارف جوابك .

اقدر اقول ده قدرنا ان نعيش بعيدين عن وطننا ....

بس ممكن نغطي تماما النواحي العاطفية . بتواصلنا . ترابطنا كاهل . السعي لخدمة بعضنا لبعض . قلوبنا تتعلق على بعض . ولازم نبحث على روابط اخرى مثلا اقتصادية . وغيره

الأخ العزيز خالد كيف حالك والله زمان من ايام طريق الرياض اخي العزيز خالد نحنا لسنا مهاجرين بل نحنو نازحين

1)
تسألني: ليه ما ناوي أرجع للبلد!
القصة ما نية وخلاص...
القصة أكبر من كدة،
القصة أكبر بكتير؛
من الجدل؛ من العويل
جدل الرحيل والرجعة للدار والأهل
النية موجودة؛ ومبيتة من زماااااااااان!
الرجعة هم،
والغربة غم،
صورة الديار ما بارحت...
لحظات خواطرنا المزعزعة بالوجع
شوق الرجوع هاجس...
تقلقل في الضلع
والرجعة كيف!
نرجع نقول: "ليه نقترب؟"
الخير مدفِّقْ في البلد سد الدرب
شان الحرب!؟
ملعون أبو هذي الحرب...
حرب القوي الأكل الضعيف؛
حرب المجاعات في الخريف؛
والعودة لخيار الصِّفِرْ

(2)
في بلادك...
غربتك علقم مرير
لما ما تقدر تعلم لي ولادك،
لما ما تلقى اليواسيك في سهادك؛
وإنت تدفع من رقادك،
لبطوناً...
كرَّشَتْ؛ نهبت حصادك
وبجنيهك شيدت دكات خرابك
وإنت تدفع من رقادك،
لكواسر...
ما بترحم!
ساكنة في فللاً عريضة،
وبجيوش من الكلاب الضالة...
محروسة ومأمنة من جنابك!
تبني ليك مستوصفات؛
وحدات علاج متطورة؛
إلا ممنوع الدخول!
لازم أول تدفع الفيهو النصيب؛
ولا ترجع...
تلقى قبرك في انتظارك

(3)
قصة الموت والحياة،
في بلادي ما ها هاجس
إلا بس موت الضمير...
وإنت تدفع من رقادك،
لسلامك وقوت ولادك؛
ما بكفي...!
الزمك حبة خداع؛
الزمك تقبيل أيادي...
ورقصة في إيقاع نفاق
وفي أحاييناً كتيرة...
الزمك تقفل خشيمك وتنكتم
وتطنش الشبح البنادي،
حتى لو...
لو كان ضميرك!
ترضى بالذل والمهانة...
وإنت مسيود في ديارك
أو تهاجر...

(4)
قلنا أحسن نغترب
نركب البحر الممدد،
في مساحات العشم
نحنط أشواقنا ونسافر...
لدياراً ماها غاية ولا مفر؛
لا ها عودة ولا مقر!
إلا بس حكم القدر؛
كل ذكرانا الجميلة...
تبقى تاريخ للورانا؛
وتبقى شيتاً للعبر







_________________
أهلي الرزق كان ضاق وكان من خرم أبرة
مافيهم المحـــــتاج لي لقمة الكســــــــــــرة
هم للشعوب عنوان في الطيبة والعـشــــرة
وفيهم بشاشة الروح مأخوذة بالفــــــــطرة

ابو خيري كيفك حمد الله على السلامه وتوبه تاني الواحد يسافر معاك قالوا جبتها في خمس ساعات دا كلام ياراجل انت عارف انا رجعت في كم ساعه اكثر من تسعه ساعات حتى اولادي بقو يقولي بابا دوس شويه عمر كل شويه يتصل بي خالد كم كيلو اقوليه 100 كيلوا بس وعلى قول رفيق سرعه شيطان,,, والله يابو خيري العسكري قال لي ياخي امشو بسرعه والله جد ,,قلت والله حيرتونا نمشي بسرعه تعملو مخالفه نمشي بشويش تزعلوا ,,,

الأخت عاشقة الجنة
نسأل الله أن يجعلنا وإياك من أصحاب الجنة

صراحة ضربتي على الوتر الحساس بطرحك لهذا الموضوع الغاية في الأهمية لمن لهم الرغبة في إنهاء سنوات الغربة والعيش بأرض الوطن الحبيب

أولاً يوجد عدد لا يستهان به من جملة المغتربين السودانيين حول العالم (لا يرغبون العيش في ربوع الوطن) وذلك بحسب إحصائيات حقيقية مع ملاحظة أنهم لا يرغبون العيش بإستمرار ولكنهم يقومون بزيارات لأهلهم بالسودان ولم ينقطعو أبداً عنه . وطبعاً لديهم ظروفهم وحججهم الخاصة التي يبررون بها ذلك مع العلم بأن ظروفهم المادية جيدة جداً ويمتلكون أهم مقومات العيش في السودان على حد تعبيرنا نحن : ( العمارة) وليس البيت ، (السيارة الفارهة) وليس أي سيارة بالإضافة إلى (مشاريع) وليس مشروع إستثماري محترم . وطبعاً هؤلاء ليس هم محور النقاش هنا ولكن لا يمكن لنا أن نتجاهلهم لأنهم يمثلون شريحة ليس بالبسيطة كما أسلفت .
أما الشريحة الثانية ولنسميها الذين لديهم آمال للعودة أولاً أنا في إعتقادي الغربة ليست هي الإبتعاد عن أرض الوطن وكلنا نعلم أن الكثيرين داخل السودان يعيشون معنى كلمة (إغتراب) وهناك فرق كبييير بين المعنى والإحساس .

أما بخصوصنا نحن المغتربين خارج الوطن أنا شخصياً ممن لديهم آمال للعودة وأنا لا أؤيد من قالو هي الظروف المادية الأحلام والآمال بدليل أن منهم (أي من قالو) ليس لديهم أي عوائق مالية ويمتلكون الآن بالسودان ما يؤهلهم للعيش برفاهية . فلماذا لا يرغبون في العودة؟؟؟؟ إذن الموضوع ما موضوع مادة .!!! كما أشار الأخ خالد عثمان له التحية وأنا أضم صوتي لصوته وللموضوع بقية .......

شكرا الاخ ابو عبيدة على التعليق الجميل وفي انتظار البقية

[b][center]
السلام عليكم
لابد ان نكون متفائلين تفائلو بالخير تجدوه
اول لابد ان نعرف اننا نغترب ليس لنا ولكن لأولادنا وممن نعول
وقد نقضي كل عمرنا في الغربه ولكن ذريتنا ستعود حتما لتعيش هناك
لنفكر ماذا سنعمل لهم وليس لنا
لنبدأ اولا بتصحيح الأهداف وترتيبها كل حسب عمره (عمره) تقليص الأهداف لهدف واحد اولا وهو البيت لأنه الساتر لك في اي لحظه مفاجأه تغادر فيها بلد الأغتراب وهذا يجب ان يوضع في الأحتمال وليس مخلدون في الغربه والتفكير في الهدف الأول وليس غيره الى ان تنتهي منه وبالمعقول والواقعيه وحسب دخلي افكر في حجم البيت (حسب دخلي ) ارجو الأنتباه لهذه النقطه حسب دخلي ابني امنياتي وابتعد عن احلام اليقظه وهكذا ستجد انشاء الله انك ستسير في الطريق الصحيح تحديد الأهداف اولا واخيرا ومعقوليه الهدف وامكانيه تحقيقه اي الواقعيه في الأمال والأهداف سنكمل في وقت اخر كيف تنجو من الغربه

الاخ عبد الله
الاهداف وتحقيقها دي اصلا مربط الفرس وكلامك عين العقل بس عاوز تطبيق على ارض الواقع لان الكثير مافي شئ مالي عينو وفعلا هي المشكلة الدائرة في كل بيت مغترب