نشرت: 29/10/2009 - 03:59 عدد رقم 6524
•
• بين الناس كنت ابحث ...الارصفة كانت محتشدة بالناس...كأنهم كانوا ينتظرون نتيجة القبول للجامعة.
• لا ادري لماذا تذكرت (فجأة) بشري الفاضل ...انا في مثل هذه المشاهد دائما ما اذكره.
• تعللت به ...ادخلت يدي في جيبي ...ثم اخرجتها ...وادخلتها مرة اخري.
• هذا كنت كل الذي استطيع ان افعله...عندما لا اجد ما افعله ادخل يدي في جيبي.
• هذه طريقة روتينية عندي.
• عدت الي بشري الفاضل والشارع يحتشد امامي...القاهرة تبدو كأنها (رصيف) عليه اناس لا حصر لهم ..ينتظرون قطرا ..او كوتة سكر ..او جرعة تتطعيم.
• لا شك انهم يترقبون.
• الشتاء لا وجود له إلا من توجس الناس ..فهم رغم سخونة الطقس إلا انهم يلبسون من الملابس ملابسا توحي بوقوع (البرد).
• تجعلك دون ان تشعر تدخل يدك في (جيبك)...علي الطريقة التي حدثتك عنها ساببقا.
• انت الليلة شنو (الجيب) الماسك لينا فيه دا.
• عدت الي بشري الفاضل ..فليس في جيبي ما يغنيني عن ان اعود الي بشري الفاضل.
• استرجعت قصته ..كانت كأنها تعرض علي في عيون الناس ..في توجسهم ..وترقبهم.
• هذه قصة بشري الفاضل اشهدها الان : (كنت مدية وسط حشد غريب من البشر ، لا تجمعهم سلطة خضروات شحاذين وجزارين وحرامية ، قافزين ومادحين وجنود غلاظ رائحين وغادين ، مترهلين وعجاف ،باعة متجولين ومتشردين وسبابه ، منتظرى مواصلات وجلابه ، متانقين ومتاففين ).
• اذن هذه هي القاهرة التي كنت استعجب من (راديو) قديم يوضع في شباك متهالك..كنا ندير موجة الراديو هذا حتي نصل الي قول يقول فيه الراديو : (هنا القاهرة).
• كانت المسافات تقف بيننا ..ما بال هذا الراديو يكذب ونحن في وضح النهار.
• القاهرة تكتسب جمالها من هذا الضجيج من تلك الدراما الساخنة ..والتصاعد اليومي من اجل لقمة العيش.
• كل الناس هنا في سباق.
• كلهم جاريين...ظننت ان اجد (ابوالهول) بينهم ..فليس هناك ثابتا ...كل الاشياء متحركة.
• احدهم قال لي بمكر : اديك تلفون ابوالهول.
• لا اعرف لماذا توقفت عند عبارة هذا الرجل ..وسط كل هذا الضجيج.
• ما الذي جعلنا اخزن عبارته واحتفظ بما قاله لاكتبه لكم اليوم.
• حفظت جملته وليس عندي مناسبة اختص به عبارته.
• الان اعرض عبارته التي قالها لي: (الشيخ البعيد سرو باتع) مثل مصري يضرب في الطرق والشوارع ويعرض مع (الكشري) ..والفلافل..والفول الاسكندراني.
• الهلال الان يأتي لنا من بعيد....ومن حيث قدرنا ان مباريات الولايات سوف تكون خطرا علي الهلال وجدنا ان هذه المباريات هي التي امنت لنا صدارة الممتاز ليبقي الفاصل بيننا والوصيف 8 نقاط...(رقم فانلة هيثم مصطفي).
• شفتوا كيف؟.
• نحن اي حاجة عندنا بي نظام...حتي الفوارق.
• الشيخ البعيد سرو باتع ..بدأ ذلك من مباراة الاياب التي لعبها الهلال امام مازمبي فانتصر الهلال وهو يلعب خارج ارضه علي مضيفه (مازمبي).
• مع جمال الانتصار وروعته كنا نخاف علي الهلال من صدمة الخروج من البطولة الافريقية وهو الذي كان قريبا من ان يفوز بكأس الاندية الافريقية للابطال.
• كنا نخشي ان يتأثر بدواعي الخروج من البطولة الافريقية ويلقي ظلال ذلك علي الهلال في المنافسة المحلية.
• لكن بحمد الله تجاوز الهلال مربع الاحزان هذا واستطاع ان ينتصر في كسلا علي الميرغني ..وعاد الهلال وانتصر علي النيل الحصاحيصا في الحصاحيصا.
• قالوا ليك ناس النيل الحصاحيصا بعد المباراة قالوا ح يمشوا لوزان.
• قلنا ليهم لوزان تمشموا تعملوا شنو كمان؟.
• قالوا ماشيين نشتكي.
• تشتكوا منو؟.
• قالوا عاوزين يشتكوا المريخ ...عشان ضللهم ساكت.
• السنة الفاتت عملوتها لينا كلها لوزان ..لوزان ..لوزان ...اها السنة دي جيناكم في بلدكم ورونا فهمكم شنو؟.
• والله غايتو يا ناس الحصاحيصا عندكم (نجيلة) تقول بسقيها (محمد سيد احمد).
• نجيلة ناشفة...تقول بتشرب (جاز).
• المهم الهلال اثبت انو سرو باتع ..انتصر في الكنغو وانتصر في كسلا وانتصر في الحصاحيصا.
• الظاهر كدا كامبوس عاوز يحول نظرية (القبرنة) لتكون بعيدة المدى.
• يعني تاني الفريق البيلعب مع الهلال ح ندفنو قبلو في ملعبو.
• انتوا عارفين الهلال ح يلعب مع المريخ وين؟.
• في الرد كاسل..يعني ح ندفنكم قبلكم يا ناس المريخ.
• بس اوعكم ترشوا الملعب.
• رش مين يا عم؟.
• الحاجة البتحير بالجد ...ناس المريخ ديل ..وقت كان عندهم نقطة واحدة في البطولة الافريقية عندما كنا في مرحلة المجموعات..كانوا بقولوا نحن بنصعد والهلال ح يطير.
• كاربوني بتاع (الكربنة) دا قال : نحن الي الان عندنا امل في البطولة.
• انتوا مدربكم دا عندو مشكلة في (الحساب).
• انتوا يا مزمل مدربكم دا غشيتو وإلا شنو؟.
• الظاهر قالوا ليه الفرق بينى الهلال والمريخ نقتطين...والمسكين قام صدق.
• ما بعيدة عليكم يا مزمل.
• بالمناسبة (الايميل)..الايميل ..الايميل ..خبرو شنو؟.
• اعملوا فيها ما عارفين.
• يا ابوالشباب الفرق 8 نقاط.
• يعني كلية طيب + سنوات الامتياز.
• بالله المريخ السنة دي فيه وارغو ابو عمرين وابو خمسة ملايين وفيه كلتشي (المقلب) وفيه ريتشارد (كان زمان) وفيه مجاهد (من الارشيف) وفيه جمال الوالي ومدرب برازيلي ...والفرق 8 نقاط.
• طيب انتوا هسع الفرق بينكم والموردة شنو؟.
• اخير الموردة ..لا فيها وارغو ولا فيها لاسانا ولا كلتشي ولا عندهم طابق تاني.
• ناس الموردة مرتاحين في عضمهم دا...علي الاقل ناس الهلال ما بياكلو لحمهم.
• بعدين بطولة الممتاز دي المركز التاني زي المركز الخامس ما في اي فرق.
• انتوا يا مريخاب عارفين انكم المركز الثاني دا ممكن تحققوه من غير وارغو ولاسانا وكلتشي وطمبل وريتشارد ومجاهد.
• تعبانين في الفاضي ...ناس مصعب عمر وسعيد السعودي ممكن يقوموا بالواجب.
• انتوا صحي سعيد السعودي (مفكوك).
• قالوا صلاح ادريس شال رقم تلفونو.
• انا بقول ليكم كدا : عشان تبقوا عشرة علي ولدكم دا ...خايف صلاح ادريس يقوم يوديه اهلي شندي.
• اصلو اي لاعب في المريخ الان ما ممكن يلعب في الهلال ...اهلي شندي ممكن ينافسكم في جماعتكم المفكوكين.
• كمان الما عارفنوا انتوا ...كوبري شندي المتمة افتتحوه.
• يعني ممكن يجهجه ليكم طابقكم التاني دا يا ناس المريخ.
• قلت ليكم الشيخ البعيد سرو باتع ..قعدتوا تغالطوا.
• السنة كلها تغالطوا.
• قالوا ليك مرة جمال الوالي عقد ليه اجتماع مع لاعب كان المريخ ينوي ان يسجله.
• اللاعب من الاول كان واضح قال لي ناس المريخ : انتوا عاوزين تدويني شنو؟...يعني عرضكم لي شنو؟.
• ناس المريخ قالوا ليه بنديك مليار.
• اللاعب قال ليهم وتاني؟.
• وعربية.
• وتاني؟.
• وتاني بنديك بيت....وكمان عشان تعرف ح نفتتح (الطابق التاني).
• اللاعب مفتح ..قال ليهم : اول حاجة (الطابق التاني) دا طلعوه لي من الموضوع ...ما عاوزكم تتدخلوه لي في العقد ...الطابق التاني ..الطابق التاني ..الطابق التاني..تقول عاوزين تدويني فيه (بوتيك).
• قالوا ليك اللاعب وقت قال ليهم الكلام دا المريخاب ما عرفوا يمشوا وين؟.
• الجماعة قالوا وقت اللاعب ما مقتنع بالطابق التاني بكون صعب علينا نقنعو...عشان الفرمالة حقتنا هي (الطابق التاني).
• فعلا الاسبوع والتاني اللاعب طار ومشي الهلال.
• اللاعب مفتح ..قال لاصحابو : جماعتكم ديل عاوزين يسجلوني بالطابق التاني.
• والله طابقكم التاني دا يلم فيه (سادومبا) يفرتكوا ليكم قصبة ..قصبة.
• خلاص يا الهلالاب عاوزين تخلوا اي حاجة وتقبلوا علي (القصب).
• القصب مالو عيبو لي بس.
• قصب في عينك.
• ملحوظة: قصب شنو يا ابوالشباب.
هوامش
• جميل ان الهلالاب لا يتحدثون عن التسجيلات الان.
• ناس المريخ قالوا عاوزين يشطبوا نص الفريق.
• فيصل العجب يجب ان تكون هناك حملة هلالية قوية من اجل ان يستمر هذا اللاعب.
• ما معقول فيصل العجب يفوز بجائزة اللاعب الاكثر شعبية ...وتجوا يا ناس المريخ تشطبوه.
• العجب دا لو شطبوه من المريخ ..مفروض ناس الهلال يسجلوه عشان يختم حياته في الهلال ..ويشيل ليه كاس ممتاز بدل كاس الممتاز الوحيد الذي حققه مع المريخ كقائد له.
• معقولة يقعد جمال الوالي ويمشي فيصل العجب.
• طلعتوا فعلا بتوع طوابق تانية.
• مباراة الهلال وحي العرب القادمة يجب ان يواليها الهلال اهتمام خاص.
• نحن في مرحلة الحصاد.
• واي انتصار يحققه الهلال في الممتاز يجعلنا علي بعد خطوة من اللقب.
• جماهير الهلال يجب ان تكون حاضرة وجاهزة للاحتفاء باللقب في هذه المباراة.
• من 5 مباريات الهلال يحتاج الي 8 نقاط.
• بعد ان ينتصر الهلال ان شاءالله علي حي العرب ..يكون الهلال محتاجا لـ 5 نقاط من اربع مباريات.
• الموسم الذي لعب فيه وارغو وكلتشي وريتشارد في المريخ اصبح الفرق بين الهلال 8 نقاط وقابلة للزيادة في المباريات القادمة.
• كذلك انتصر الهلال افريقيا علي المريخ بثلاثية.
• هذا هو الموسم الافضل للهلال علي نطاق التنافس بين الهلال والمريخ..سواء كان ذلك التنافس محلي او كان افريقي.
• جمال الوالي قالوا ببحث عن تلفون مرق.
• ريتشارد قال سفاري ما بفهمو عشان كدا الوالي عاوز يجيب ليه (مرق).
• خبر عاجل: والشيخ البعيد سرو باتع
•
• بين الناس كنت ابحث ...الارصفة كانت محتشدة بالناس...كأنهم كانوا ينتظرون نتيجة القبول للجامعة.
• لا ادري لماذا تذكرت (فجأة) بشري الفاضل ...انا في مثل هذه المشاهد دائما ما اذكره.
• تعللت به ...ادخلت يدي في جيبي ...ثم اخرجتها ...وادخلتها مرة اخري.
• هذا كنت كل الذي استطيع ان افعله...عندما لا اجد ما افعله ادخل يدي في جيبي.
• هذه طريقة روتينية عندي.
• عدت الي بشري الفاضل والشارع يحتشد امامي...القاهرة تبدو كأنها (رصيف) عليه اناس لا حصر لهم ..ينتظرون قطرا ..او كوتة سكر ..او جرعة تتطعيم.
• لا شك انهم يترقبون.
• الشتاء لا وجود له إلا من توجس الناس ..فهم رغم سخونة الطقس إلا انهم يلبسون من الملابس ملابسا توحي بوقوع (البرد).
• تجعلك دون ان تشعر تدخل يدك في (جيبك)...علي الطريقة التي حدثتك عنها ساببقا.
• انت الليلة شنو (الجيب) الماسك لينا فيه دا.
• عدت الي بشري الفاضل ..فليس في جيبي ما يغنيني عن ان اعود الي بشري الفاضل.
• استرجعت قصته ..كانت كأنها تعرض علي في عيون الناس ..في توجسهم ..وترقبهم.
• هذه قصة بشري الفاضل اشهدها الان : (كنت مدية وسط حشد غريب من البشر ، لا تجمعهم سلطة خضروات شحاذين وجزارين وحرامية ، قافزين ومادحين وجنود غلاظ رائحين وغادين ، مترهلين وعجاف ،باعة متجولين ومتشردين وسبابه ، منتظرى مواصلات وجلابه ، متانقين ومتاففين ).
• اذن هذه هي القاهرة التي كنت استعجب من (راديو) قديم يوضع في شباك متهالك..كنا ندير موجة الراديو هذا حتي نصل الي قول يقول فيه الراديو : (هنا القاهرة).
• كانت المسافات تقف بيننا ..ما بال هذا الراديو يكذب ونحن في وضح النهار.
• القاهرة تكتسب جمالها من هذا الضجيج من تلك الدراما الساخنة ..والتصاعد اليومي من اجل لقمة العيش.
• كل الناس هنا في سباق.
• كلهم جاريين...ظننت ان اجد (ابوالهول) بينهم ..فليس هناك ثابتا ...كل الاشياء متحركة.
• احدهم قال لي بمكر : اديك تلفون ابوالهول.
• لا اعرف لماذا توقفت عند عبارة هذا الرجل ..وسط كل هذا الضجيج.
• ما الذي جعلنا اخزن عبارته واحتفظ بما قاله لاكتبه لكم اليوم.
• حفظت جملته وليس عندي مناسبة اختص به عبارته.
• الان اعرض عبارته التي قالها لي: (الشيخ البعيد سرو باتع) مثل مصري يضرب في الطرق والشوارع ويعرض مع (الكشري) ..والفلافل..والفول الاسكندراني.
• الهلال الان يأتي لنا من بعيد....ومن حيث قدرنا ان مباريات الولايات سوف تكون خطرا علي الهلال وجدنا ان هذه المباريات هي التي امنت لنا صدارة الممتاز ليبقي الفاصل بيننا والوصيف 8 نقاط...(رقم فانلة هيثم مصطفي).
• شفتوا كيف؟.
• نحن اي حاجة عندنا بي نظام...حتي الفوارق.
• الشيخ البعيد سرو باتع ..بدأ ذلك من مباراة الاياب التي لعبها الهلال امام مازمبي فانتصر الهلال وهو يلعب خارج ارضه علي مضيفه (مازمبي).
• مع جمال الانتصار وروعته كنا نخاف علي الهلال من صدمة الخروج من البطولة الافريقية وهو الذي كان قريبا من ان يفوز بكأس الاندية الافريقية للابطال.
• كنا نخشي ان يتأثر بدواعي الخروج من البطولة الافريقية ويلقي ظلال ذلك علي الهلال في المنافسة المحلية.
• لكن بحمد الله تجاوز الهلال مربع الاحزان هذا واستطاع ان ينتصر في كسلا علي الميرغني ..وعاد الهلال وانتصر علي النيل الحصاحيصا في الحصاحيصا.
• قالوا ليك ناس النيل الحصاحيصا بعد المباراة قالوا ح يمشوا لوزان.
• قلنا ليهم لوزان تمشموا تعملوا شنو كمان؟.
• قالوا ماشيين نشتكي.
• تشتكوا منو؟.
• قالوا عاوزين يشتكوا المريخ ...عشان ضللهم ساكت.
• السنة الفاتت عملوتها لينا كلها لوزان ..لوزان ..لوزان ...اها السنة دي جيناكم في بلدكم ورونا فهمكم شنو؟.
• والله غايتو يا ناس الحصاحيصا عندكم (نجيلة) تقول بسقيها (محمد سيد احمد).
• نجيلة ناشفة...تقول بتشرب (جاز).
• المهم الهلال اثبت انو سرو باتع ..انتصر في الكنغو وانتصر في كسلا وانتصر في الحصاحيصا.
• الظاهر كدا كامبوس عاوز يحول نظرية (القبرنة) لتكون بعيدة المدى.
• يعني تاني الفريق البيلعب مع الهلال ح ندفنو قبلو في ملعبو.
• انتوا عارفين الهلال ح يلعب مع المريخ وين؟.
• في الرد كاسل..يعني ح ندفنكم قبلكم يا ناس المريخ.
• بس اوعكم ترشوا الملعب.
• رش مين يا عم؟.
• الحاجة البتحير بالجد ...ناس المريخ ديل ..وقت كان عندهم نقطة واحدة في البطولة الافريقية عندما كنا في مرحلة المجموعات..كانوا بقولوا نحن بنصعد والهلال ح يطير.
• كاربوني بتاع (الكربنة) دا قال : نحن الي الان عندنا امل في البطولة.
• انتوا مدربكم دا عندو مشكلة في (الحساب).
• انتوا يا مزمل مدربكم دا غشيتو وإلا شنو؟.
• الظاهر قالوا ليه الفرق بينى الهلال والمريخ نقتطين...والمسكين قام صدق.
• ما بعيدة عليكم يا مزمل.
• بالمناسبة (الايميل)..الايميل ..الايميل ..خبرو شنو؟.
• اعملوا فيها ما عارفين.
• يا ابوالشباب الفرق 8 نقاط.
• يعني كلية طيب + سنوات الامتياز.
• بالله المريخ السنة دي فيه وارغو ابو عمرين وابو خمسة ملايين وفيه كلتشي (المقلب) وفيه ريتشارد (كان زمان) وفيه مجاهد (من الارشيف) وفيه جمال الوالي ومدرب برازيلي ...والفرق 8 نقاط.
• طيب انتوا هسع الفرق بينكم والموردة شنو؟.
• اخير الموردة ..لا فيها وارغو ولا فيها لاسانا ولا كلتشي ولا عندهم طابق تاني.
• ناس الموردة مرتاحين في عضمهم دا...علي الاقل ناس الهلال ما بياكلو لحمهم.
• بعدين بطولة الممتاز دي المركز التاني زي المركز الخامس ما في اي فرق.
• انتوا يا مريخاب عارفين انكم المركز الثاني دا ممكن تحققوه من غير وارغو ولاسانا وكلتشي وطمبل وريتشارد ومجاهد.
• تعبانين في الفاضي ...ناس مصعب عمر وسعيد السعودي ممكن يقوموا بالواجب.
• انتوا صحي سعيد السعودي (مفكوك).
• قالوا صلاح ادريس شال رقم تلفونو.
• انا بقول ليكم كدا : عشان تبقوا عشرة علي ولدكم دا ...خايف صلاح ادريس يقوم يوديه اهلي شندي.
• اصلو اي لاعب في المريخ الان ما ممكن يلعب في الهلال ...اهلي شندي ممكن ينافسكم في جماعتكم المفكوكين.
• كمان الما عارفنوا انتوا ...كوبري شندي المتمة افتتحوه.
• يعني ممكن يجهجه ليكم طابقكم التاني دا يا ناس المريخ.
• قلت ليكم الشيخ البعيد سرو باتع ..قعدتوا تغالطوا.
• السنة كلها تغالطوا.
• قالوا ليك مرة جمال الوالي عقد ليه اجتماع مع لاعب كان المريخ ينوي ان يسجله.
• اللاعب من الاول كان واضح قال لي ناس المريخ : انتوا عاوزين تدويني شنو؟...يعني عرضكم لي شنو؟.
• ناس المريخ قالوا ليه بنديك مليار.
• اللاعب قال ليهم وتاني؟.
• وعربية.
• وتاني؟.
• وتاني بنديك بيت....وكمان عشان تعرف ح نفتتح (الطابق التاني).
• اللاعب مفتح ..قال ليهم : اول حاجة (الطابق التاني) دا طلعوه لي من الموضوع ...ما عاوزكم تتدخلوه لي في العقد ...الطابق التاني ..الطابق التاني ..الطابق التاني..تقول عاوزين تدويني فيه (بوتيك).
• قالوا ليك اللاعب وقت قال ليهم الكلام دا المريخاب ما عرفوا يمشوا وين؟.
• الجماعة قالوا وقت اللاعب ما مقتنع بالطابق التاني بكون صعب علينا نقنعو...عشان الفرمالة حقتنا هي (الطابق التاني).
• فعلا الاسبوع والتاني اللاعب طار ومشي الهلال.
• اللاعب مفتح ..قال لاصحابو : جماعتكم ديل عاوزين يسجلوني بالطابق التاني.
• والله طابقكم التاني دا يلم فيه (سادومبا) يفرتكوا ليكم قصبة ..قصبة.
• خلاص يا الهلالاب عاوزين تخلوا اي حاجة وتقبلوا علي (القصب).
• القصب مالو عيبو لي بس.
• قصب في عينك.
• ملحوظة: قصب شنو يا ابوالشباب.
هوامش
• جميل ان الهلالاب لا يتحدثون عن التسجيلات الان.
• ناس المريخ قالوا عاوزين يشطبوا نص الفريق.
• فيصل العجب يجب ان تكون هناك حملة هلالية قوية من اجل ان يستمر هذا اللاعب.
• ما معقول فيصل العجب يفوز بجائزة اللاعب الاكثر شعبية ...وتجوا يا ناس المريخ تشطبوه.
• العجب دا لو شطبوه من المريخ ..مفروض ناس الهلال يسجلوه عشان يختم حياته في الهلال ..ويشيل ليه كاس ممتاز بدل كاس الممتاز الوحيد الذي حققه مع المريخ كقائد له.
• معقولة يقعد جمال الوالي ويمشي فيصل العجب.
• طلعتوا فعلا بتوع طوابق تانية.
• مباراة الهلال وحي العرب القادمة يجب ان يواليها الهلال اهتمام خاص.
• نحن في مرحلة الحصاد.
• واي انتصار يحققه الهلال في الممتاز يجعلنا علي بعد خطوة من اللقب.
• جماهير الهلال يجب ان تكون حاضرة وجاهزة للاحتفاء باللقب في هذه المباراة.
• من 5 مباريات الهلال يحتاج الي 8 نقاط.
• بعد ان ينتصر الهلال ان شاءالله علي حي العرب ..يكون الهلال محتاجا لـ 5 نقاط من اربع مباريات.
• الموسم الذي لعب فيه وارغو وكلتشي وريتشارد في المريخ اصبح الفرق بين الهلال 8 نقاط وقابلة للزيادة في المباريات القادمة.
• كذلك انتصر الهلال افريقيا علي المريخ بثلاثية.
• هذا هو الموسم الافضل للهلال علي نطاق التنافس بين الهلال والمريخ..سواء كان ذلك التنافس محلي او كان افريقي.
• جمال الوالي قالوا ببحث عن تلفون مرق.
• ريتشارد قال سفاري ما بفهمو عشان كدا الوالي عاوز يجيب ليه (مرق).
• خبر عاجل: والشيخ البعيد سرو باتع
