هلالنا تجلى

هلالنا أتجلى
عبد السلام مصطفي عثمان
الرياض-10/06/2010م
يــا الـمــريـخ فـي عـقـــر دارك
هـــلال الـعــز قـــلّل مـقـــدارك
بـالـهـدفـيــن شــتــت أفـكـــارك
فــي المـمـتـاز حـطّـم إصـرارك
هــلالنا تجـلى ضياء في مدارك
ضــــوي سمــانا أفـرد أنـوارك
للقــمة فـوق واصـل مـشوارك
بالمــوج الهـادر فاضت انهارك
الــدوري المـمتاز خليهُ شعارك
يا الوالي جمــال كيفن إخـبارك
وصــّف لـيـنا بـــراكا مشاعرك
هـــذا تـــاريــخ وقّــع إقـــرارك
تيــمــك مهــزوم ورينا قــرارك
هزيـمة تقيلة إيه هي أعــذارك
حــتــرد كـيفـن بكـرة اعتــبارك
باباي كار بوني كشفنا اسرارك
حِـفظنا قريـنا خــلاص أفـكـارك
في النعش براك دقيت مسمارك
أوعـــك تقـــول جـارت اقـدارك
بالطول والعرض حددنا مسـارك
مـهنـد يا غــزال أعزف أوتارك
في المرمى مضيت سجّلت مزارك
بــقــذيفة قــوية يـسلـم يــســارك
ليــلـك فــرحـنـا أسعـدنا نهـــارك
كــاريكا اوفيـــت جددت إصرارك
بـصاروخ عــابر ختــمت حوارك
أجـمل أهـــداف أهــــديتا لجــارك
من اجل النصر كامبوس أختارك

الممتاز خليناه شعارنا××واديناك ياهلال فرصه وقلنا جارنا

وبتشوفو روائع والمريخ عال××××والنجم فألنا

وبرضو نحنا العز ××××××× وقريب بناخذ ثأرنا



ولد موريتان

خوة الافاضل عبد السلام وبكري ادامكم الله
روقوا وخففو شوية وماتنجرفوا خارج الموضوع الرياضي وخلو عندكم روح رياضية وليكن شعاركم (الخلاف في الراي لايفسد للود قضية) وانا لمن ناشدت بكري ياعبد للسلام ماكنت بشحن فيه على حسب كلامك بل لاني اعرف ان لديه زخيرة هائله ومعلومات وافيه عن الرياضة االالسودانية عامة وعن المريخ وتاريخ المريخ خاصة وقلت فليكن الند بالند وانتم الاثنين معروف عنكم بالثقافة العالية وعشق كل واحد منكم لفريقة وقلت استفيد واتعلم منكم الاثنين يعني مافي داعي لشخصنة الموضوع (وانا مامستند على حيطة مائلة) . واخي وابن عمتي العزيز حجازي سلام خلط السياسة بالرياضة سيجعلنا نفارق الاثنتين ويبعد عننا المتعة وجمال الوالي بغض النظر عن علاقتو بالحكومة اوالبشير فهو قدم للمريخ الكثير الكثير يكفي انو جعل من ملعب المريخ افضل الملاعب في السودان ودعم النادي بمبالغ هائلة واشتري افضل اللعيبة بمبالغ مغرية وجعل كل لاعب في السودان يتمنى الانضمام للمريخ وستذهب الحكومة ويذهب البشير ويبقي المريخ زعيما ومتربعا عن القمة ومتلالا واهجا . وياسيد احمد سلام انا ما شردت عشان المبارة بس اخونا عمر جايب لي شاي لبن وقت العشا قلت اتخارج من بدري اشوف لي عشا وقد كان. كانت وليمة عليها القيمة واسال عماد وعاطف ومعاوية عنها والدعوة جاءت من احد كبار الشيوخ السعوديين . ودمتم جميعا وماتزعلو من اخوكم الصغير............

يا بكور دكتور دكتور عمر بتاعك قال

نحن في المريخ ( كفوه ) ******* نفلق الملعب ونهوى

نهوى من الهاوية وليس من الهوى ,,, طبعاً أنا كتبت ( نفلق ) لأن هذة هي لغة أهل الكفوه وهناك فرق كبير بين نحصب ونجدع

ونرمي ونفلق ,,, أما عن السرد التاريخي فهذة هي العادة الهروب من الواقع نحو الماضي ( أنا ما عارف أنت عايش في القرن

ال21 ولآ في زريبة الشيخ أبونارو وبالمناسبة دا هو الشيخ البيمشو ليهو جماعتكم عشان يحوط ليكم الكورة مثلاً كورة الترجي

في تونس بتذكرها أسع كانت الشهر الفات ولآ التلاتة نستك الاحداث زي ما الاتنين نسوك الواقع المهم جماعتك مشو للشيخ والشيخ

قال ليهم الاحمر غالب 3 وأخد هبرة قروش بعدما اتغلبتو رجع ليهو جماعتك الشيخ سألهم أها غلبتو تلاتة قالو لا نحن اتغلبنا

تلاتة قام قال ليهم شوف عيني شفت الأحمر جاب تلاتة قالو ليهو بس يا شيخنا الأحمر ديل ناس الترجي نحن كنا لابسين أخضر قال

ليهم بس أنا ضربت اللون على العموم خلي روحك رياضية والمرة دي ما هي أول ولا آخر مرة تتغلب من سيد البلد وما دام انت

بتعشق الدلقون وتفلعون بتتغلبو كتير ,, فلعتو الفرق الوطنية والفرق الاجنبية تعرف الفلسطينيين لما جوا السودان آسع

قالو عايزين يستعينو بيكم لأن اطفال الحجارة كبرو على الفليع ,,,

وإن عدتم يا ( بكور ) عدنا والعود أحمدُ

كل الود