رايعة صلاح احمد ابراهيم الطير المهاجر

هاك دي بابن خالي رايك شنو في صلاح احمد ابراهيم

تقبلو منى هذه المشاركة وارجو ان اكون خفيف عليكم
هذه اغنية الطير المهاجر من كلمات الشاعر صلاح احمد ابراهيم وادأ الموسيقار محمد وردى



الطير المهاجر
صلاح أحمد ابراهيم

غريب وحيد في غربتو
حيران يكفكف دمعتو
حزنان يغالب لوعتو
ويتمنى بس لي أوبتو
طال بيه الحنين
فاض بيه الشجن
واقف يردد .. من زمن

بالله ياالطير المهاجر للوطن
زمن الخريف
تطير باسراع.......ما تضيع زمن
أوعك تقيف
وتواصل الليلة للصباح
.تحت المطر...وسط الرياح
وكان تعب منك جناح في السرعة زيد
في بلادنا بترتاح
ضل الدليب أريح سكن

فوت بلاد وسيب بلاد..وإن جيت بلاد
وتلقى فيها النيل..بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام

على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد تقيف لديها
وتبوس إيديها
وانقل إليها وفاي ليها
وحبي الأكيد

بالله يابن خالي اقيف في البيت البقول ليك كان جيت بلاد تلقي فيها النييل بيلمع في الظلام ذي سيف مجوهر النجوم فيهو بانتظام اقيف في الحتة دي شوية وشوف البحصل ليك شنو

دي نحنا في السعودية يعني بينا بحر امال اخونا الفاتح القاعد هناك حيكون كيف ربنا يرد غربتنا ان شاء الله ساليمن وغانمين والله اشتقنا لي كل شي هناك بالله يابن عمي الجوص اقيف مع صلاح احمد ابراهيم شويه

كده لو سمحت ظروفك

باسطة وينك مختفي ماشايفنك ولا في المنتدي ولا في الجمعية ان شاء الله المانع يكون خير

وبهديها لكل الاخوان المشاركين في المنتدي الجميل دا

خاصة الأخ محمد خليل أبو مازن ذو الاحاسيس الجميلة والله مش عشان اخوي ولكن دا اخو الجميع

وابن عمتي الكوتش اواوه الراجل الكلس بهديك هذه الرايعة

وابن خالتي عاطف الذي عاد بعد غيبة لعازة والخال العزيز عادل ميرغني

والعزيز جدا بالجك ربنا يرد غربتك